#Кыскача яңалыклар 22 июня 2017, 13:31 Уку өчен 2 минут

Зөя утрау-шәһәрчеге Конфедерацияләр Кубогы вакытында Казанга «күченде»

22 июня 2017, 13:31

Уку өчен 2 минут

Конфедерацияләр кубогының матбугат үзәгендә, халыкара спорт чарасының мәдәни программасы кысаларында, "Зөя утрау-шәһәрчеге" дәүләт тарихи-архитектура һәм сәнгать музей-тыюлыгы тәкъдим ителде.

Скопировать ссылку

Зөя (Свияжск) утравында 466 ел элек агачтан төзелгән Изге Троица чиркәве, борынгы рус архитектурасының, православие мәдәниятенең башка һәйкәлләре бүген дә гамәлдә. Тарихи-мәдәни мирас буларак 37 корылма дәүләт саклавына алынган.

Музей-тыюлык дирекциясенең туристлык буенча бүлеге җитәкчесе Алла Елисеева таныштырганча, биредә тарихи һәйкәлләрне хозур кылганнан соң да кызыклы чаралар бик күп. Мәсәлән, чүлмәкче Евгений Иванов остаханәсендә чүлмәк ясап яки талчыбыктан үрүче Софья Абросимова өйрәтүендә кәрҗин үреп карарга була. Балалар өчен махсус программа әзерләнгән.

Журналистларга күрсәтелгән театраль тамашада борынгы гаскәриләр киемендәге һәвәскәрләр кылычлар тотып "сугышып" таң калдырды. Булган инде баһадирлар! Шөкер, "дошманнар" кул биреште. Яшәсен дуслык! Кылыч, булсын тик уенчык.

-Татарстанда уза торган халыкара сәяси, мәдәни һәм спорт чаралары безнең музей-тыюлыгының да танылуына ярдәм итә. Конфедерацияләр кубогы матчларына килгән чит ил туристлары Свияжск утрау-шәһәрчеген дә карыйлар,-дип, сөенечләре белән уртаклашты Алла Елисеева.