#Кыскача яңалыклар 06 мая 2025, 10:17

9 май бәйрәменә һава торышы ничек булачак?

06 мая 2025, 10:17

Татарстанның Гидрометеорология үзәге хәбәр иткәнчә, иртәгә, 7 майда, безнең төбәк аз болытлы антициклон йогынтысында калачак.

Скопировать ссылку

Төнге сәгатьләрдә термометр баганасы 0 градустан +5 градуска чаклы төшә, урыны белән һавада һәм туфракта 0..-2 градус көтелә. Көндез +14..+19 градуска чаклы җылына.

8 май көнне көньяк-көнчыгыш циклонның тыл өлеше йогынтысында калачакбыз. Урыны белән зур булмаган яңгырлар явачак. Төнлә температура фоны +5..+10 градус, көндез +14..+19 градс булыр дип көтелә.
Татарстан Гидрометеоүзәгенең алдан фаразы буенча, 9 майда урыны белән зур булмаган яңгыр явачак, температура фоны сизелерлек үзгәрмәячәк һәм +13..+18 градус тәшкил итәчәк.

10 майда явым-төшем көтелми, көндез температура +15..+20 градуска кадәр күтәреләчәк.

Хәбәр иткәнебезчә, Татарстан Рәисе Рөстәм Миңнеханов май бәйрәмнәрендә иминлек мәсьәләләренә игътибарны көчәйтергә кушты.

Кызыклы яңалыкларны күзәтеп бару өчен Вконтактега кушылыгыз.