«Алар бәреп керделәр һәм бусагадан ук кыйный башладылар»

Татарстанның Сарман районында кеше үтерү эше буенча кайбер нечкәлекләр ачыкланган. Биредә шул авыл мәктәпләренең берсендә укытучы булып эшләүче ханым үзенә таныш булган ир-атка пычак белән кадаган. 5 март кичендә әлеге ханым никахсыз яшәгән ире белән үз фатирында кичке аш әзерләгән. Ишекне ике кеше шакыган, ханымның ире ишекне ачкан һәм аңа шундук һөҗүм иткәннәр. Билгесез сәбәпләр аркасында талаучылар фатир хуҗасын каты кыйнарга тотына. Аш-су бүлмәсеннән ярдәмгә Ләйлә йөгереп килә, теге ике ир аңа да һөҗүм итә.

- Ул бит аш-су бүлмәсендә иде, күрәсең, автомат рәвештә кулына пычак алган. Ул чакырылмаган кунакларны туктатып китүләрен үтенгән. Теге ике ир тагын да катырак кыйный башлаган. Бәлки, күзләрен йомгандыр, ә һөҗүм итүченең күкрәгенә эләккәндер. Икесе дә тиз генә фатирдан чыкканнар, берсе урында ук үлгән, икенчесе билгесез юнәлештә качкан, — дип сөйләгән журналистларга казага юлыккан хатынның туганы.

Һәлак булучы элегрәк хокук саклау органнары хезмәткәренә һөҗүм иткән өчен хөкем ителгән булган. Хәзерге вакытта үтерүдә шикләнелүче тоткарланмаган, тикшерү эшләре алып барыла. Үз-үзеңне саклау турындагы версия дә кире кагылмый.