Балалар пособиеләре вакытыннан алда түләнәчәк

Май бәйрәмнәре уңаеннан Россия Социаль фонды гаиләләргә апрель ахырына кадәр барлык балалар пособиеләрен күчерәчәк. Гадәти график буенча түләүләр май башында килергә тиеш иде, дип хәбәр итә ТАСС агентлыгы.

30 апрельгә кадәр әти-әниләр апрель өчен түбәндәге түләүләрне алачак: 17 яшькә кадәрге һәм йөклелек буенча балаларга бердәм пособие, эшләмәүче ата-аналарга 1,5 яшькә кадәрге бала карау буенча айлык пособие, өч яшькә кадәрге беренче балага айлык пособие һәм хәрби хезмәткә чакырылу буенча айлык пособие, дип ачыклык керттеләр фондта.

Вакытыннан алда акчалар банк аша акчасыз түләүне сайлаган гаиләләргә күчереләчәк. Әгәр пособиене почта китерә икән, түләү май аенда булачак һәм һәр төбәктә «Россия Почтасы» бүлекчәләренең эш графигы буенча 25 нче көнгә кадәр дәвам итәчәк. Өч яшькә кадәрге балаларга ана капиталыннан айлык түләү алучы гаиләләргә акчалар стандарт график буенча — 5 майда күчереләчәк.