БДИ уңышлары: иң яхшы нәтиҗәне күпме укучы күрсәткән?

Ике предметтан иң яхшы нәтиҗәне күрсәтүчеләр – 331 укучы. 100 баллга БДИның бер фәнен 6820 кеше тапшырган.  Рособрнадзор башлыгы Анзор Музаев имтихан нәтиҗәләре белән уртаклашты. 

Рус теленнән имтиханда уртача тест баллы – 60,7, профильле математикадан – 62, җәмгыять белеменнән – 53,6 б, ә информатикадан – 55,9. Биологияне укучылар уртача 54,5 баллга, физиканы – 61,7 баллга, химияне – 58,1 баллга тапшырган. 

2025 елда Россиядә БДИның төп чоры 23 майдан 23 июньгә кадәр узды. Ул рус әдәбияты, химия һәм тарих буенча имтиханнардан башланды. 27 майда Россия укучылары база һәм профильле математиканы, 30 майда рус телен тапшырдылар. БДИның төп чорында имтихан тапшыруга барлыгы 712 000 кеше теркәлгән, шуларның 637 000е – быел мәктәпне тәмамлаучылар.