Илнат Фәрхуллинның бүген сөенечле көне! Әти булган көне!

Кечкенәдән артык хәрәкәтчән, тиктормас, кыскасы, ут кызчык ул Диана. Бер урында ике секунд кына булса да, тик кенә басып тора алганы бармы икән! Менә шуңа да аны 4 яше тулуга гимнастика белән шөгыльләнү түгәрәгенә бирделәр дә бугай. Диана анда да сынатмады, төрле дәрәҗәдәге бәйгеләрдә катнашып, гел беренче урыннарны яулады. 
- 70 тән артык кубоклары, медальләре генә бар! 1нче разрядлы спортчы ул, инде алга таба спорт мастеры исеменә барачак. Бик максатчан, көчле характерлы кыз ул. Әлегә Чаллыда, әнисе ягында кунакта. Иртәдән үк котладым, билгеле. Мин үзем Казанда, күрешә алмыйбыз, шулай да Диана Казанга килүгә күрешеп, үзенә охшаган бүләкне алып бирәчәкмен. Бәхетле булсын, балаларның бәхетле булуы безнең өчен дә зур бәхет, диде Илнат.
Диананы без дә котлыйбыз! Яңа үрләр, бәхетләр телибез.