Май аенда кемнең югары хезмәт хакы алачагы билгеле булды

Бу хакта "Прайм" агентлыгына Мәскәү Профсоюзлар Федерациясенең Хезмәт хокукый инспекциясе җитәкчесе урынбасары, Мәскәүнең мактаулы юристы Елена Рыбакова белдергән. 

Агымдагы елда производство календаре буенча майда бәйрәм ял көннәре 8 көн дәвам итәчәк — 1 майдан 4 майга кадәр һәм 8 майдан 11 майга кадәр. Кагыйдә буларак, бу көннәрдә биш көнлек график буенча эшләүчеләр ял итә.

"Смена графигы буенча эшләүче өзлексез эшләүче оешмаларның хезмәткәрләре бәйрәмнәрдә эшлиләр, әгәр аларда смена туры килсә. Шул ук вакытта хезмәт өчен югары күләмдә түләнә. Димәк, май өчен аларның хезмәт хакы күбрәк булачак", - дип аңлатты эксперт.

Хезмәт кодексының 153 маддәсе нигезендә, ял көннәрендә яисә эш көне булмаган бәйрәм көннәрендә эш өчен кимендә икеләтә бәя буенча түләнә. Биш көнлек график буенча эшләүчеләрне бәйрәмнәргә аларның ризалыгы белән генә эшкә җәлеп итә алалар, ә түләү эш вакытына бәйле.
Хезмәткәр теләсә кайсы вакытта бәйрәмнәрдә икеләтә түләү урынына ял алырга мөмкин, дип йомгаклаган Рыбакова.