Россия төбәкләренә массакүләм БПЛА һөҗүме

Оборона министрлыгы: ПВО көчләре Россия төбәкләре өстеннән 337 Украина БПЛАсын бәреп төшергән.

ПВО чаралары узган төн эчендә Россия территориясе өстеннән 337 БПЛАны бәреп төшергән, дип хәбәр итә Оборона министрлыгы. Бу Украина ягыннан җибәрелгән пилотсыз очкычларның иң зур һөҗүме. Узган юлы пилотсыз очкычларның иң массакүләм һөҗүме 2024 елның 1 сентябрендә булган. Ул вакытта Оборона Министрлыгы 15 төбәк территориясендә самолет тибындагы 158 БПЛАны юк итү турында хисап тотты.

Оборона министрлыгы мәгълүматлары буенча бу төн эчендә түбәндәге төбәкләрдә бәреп төшерелгән пилотсыз очкычлар турында хәбәр ителә:

126 БПЛА – Курск өлкәсе территориясендә,
91 БПЛА — Мәскәү һәм Мәскәү астында,
38 БПЛА – Брянск өлкәсе территориясендә,
25 БПЛА – Белгород өлкәсе территориясендә,
22 БПЛА – Рязань өлкәсе территориясендә,
10 БПЛА – Калуга өлкәсе территориясендә,
8 БПЛА – Липецк өлкәсе территориясендә,
8 БПЛА – Орел өлкәсе территориясендә,
6 БПЛА – Воронеж өлкәсе территориясендә,
3 БПЛА – Түбән Новгород өлкәсе территориясендә.

Хәзерге вакытта Мәскәү төбәгендә бер һәлак булучы һәм биш зыян күрүче турында билгеле. Һәлак булучы һәм ике зыян күрүче «Мираторг» компаниясе хезмәткәрләре булган. Дрон предприятие янындагы парковкага төшкән. Липецк өлкәсендә бер кеше яраланган. Мәскәүнең Домодедов урамында йортның түбәсе зыян күргән, Раменск муниципаль округында ике йорт зыян күргән. БПЛА атакасы аркасында иртән Домодедово аша поездлар хәрәкәте өзелдгән. Самолетларны кабул итү һәм чыгаруга вакытлыча чикләүләр Мәскәүнең Внуково, Домодедово, Шереметьево һәм Жуковский аэропортларында кертелгән.