Сак булыгыз! Җирне магнит давыллары каплаячак

Беренче дулкын сишәмбе, 22 апрельдә көтелә, дип хәбәр итә Россия Фәннәр академиясенең Космик тикшеренүләр институты һәм җир магнетизмы институты Кояш астрономиясе лабораториясе белгечләре. 

Фараз буенча, магнит давыллары 24 һәм 25 апрельдә кабатланачак. Шул ук вакытта геомагнит давылларының иң зур интенсивлыгы 22 һәм 24 апрельгә туры киләчәк. Белгечләр аның дәрәҗәсен G1 — артык көчле булмаган магнит давылы дип бәяли. 

Май башында кояш активлыгы кабатланачак – магнит давыллары 2, 5, 6, 7 майда күзәтелергә мөмкин. Геомагнит активлыгының югары чоры шулай ук 1, 8, 10 һәм 18 майда фаразлана.