Татарстан табиблары хәрбинең йөрәгеннән снаряд кыйпылчыгы алганнар

"Безгә күкрәк читлегенә кереп калган снаряд кыйпылчыкларын алырга кирәк иде, ә операциягә чакла тикшерү вакытында без йөрәктә тагын бер кыйпылчык булуын ачыкладык. Төбәкара клиник хастаханәсеннән хезмәттәшләр белән шалтыратыштык һәм операциягә әзерләнә башладык", - дип сөйләгән Республика клиник хастаханәсе каршындагы хәрби госпиталь җитәкчесе Михаил Бурмистров.

Кагыйдә буларак, чит әйберне алу өчен хирурглар йөрәк эшчәнлеген туктатып тора. Әмма Татарстан табиблары башка юл сайлаган. Михаил Бурмистров аңлатканча, эшләүче йөрәккә операция ясау әлеге органны ясалма суыту һәм ясалма кан әйләнеше аппаратын куллану белән бәйле потенциаль куркынычларны булдырмаган. Нәтиҗәдә пациент өчен операция вакытын кыскартылган һәм тизрәк тернәкләнгән.
 Гадәттә мондый операциядән соң хәрбиләр хезмәттән азат ителә. Әмма пациент армия сафларына кире кайтырга теләк белдергән.

Билгеле булганча, республикада Татарстан Рәисе Рөстәм Миңнеханов теләктәшлегендә махсус хәрби операциядә булучы егетләребезгә дә, дәвалануга мохтаҗ батырларыбызга да төрле яклап ярдәм күрсәтелә.