Владимир Путин Татарстаннан биш кешегә дәүләт бүләкләре тапшырган

Гаилә институтын ныгытуда һәм балаларны тәрбияләүдә зур хезмәт уңышлары өчен Рәмис һәм Гүзәлия Гәрәевлар “Ата-ана даны” ордены медале белән бүләкләнгән. Тиешле указны Россия Президенты Владимир Путин имзалаган. Документ хокукый актлар порталында бастырылган.

Шулай ук, Путин Указы нигезендә, Казан компрессор машиналары төзү заводы токары Генадий Евтеев ирешкән хезмәт уңышлары һәм күпьеллык намуслы хезмәте өчен «Фидакарь хезмәт өчен» ордены белән бүләкләнгән.

Моннан тыш, В.И. Качаловның Казан театры сәнгать җитәкчесе Александр Славутский «Мәдәният һәм сәнгатьтәге казанышлары өчен» орденына лаек булган.

Казаннан трамвай йөртүче Галина Пакреева да бүләккә лаек булган. Транспорт өлкәсендәге казанышлары һәм күпьеллык намуслы хезмәте өчен аңа «РФ атказанган транспорт хезмәткәре»дигән мактаулы исем бирелгән.