Казанда узачак VIII Халыкара мөселман киносы фестивале акрынлап үзенең стартына әзерләнә. Ул Казанда 5-11 сентябрь көннәрендә узачак. Инде бүгеннән фестивальдә катнашырга теләк белдереп, 55 илдән 200 фильм тасмасы килгән.
«Татар-Информ» мәгълүмат агентлыгы хәбәр иткәнчә, фестиваль елдан-ел үзенең географик мәйданын киңәйтү уңаеннан зур эш алып бара. Мөселман киносы төрле ракурста күрсәтелә, катнашучы илләр саны арта. Хәзерге вакытта фестивальдә катнашу тәкъдиме белән Россия киноиндустриясендәге зур исем - танылган режиссер Андрей Кончаловский белән сөйләшүләр алып барыла икән.
Быелгы фестиваль яңалыкларының әлегә иң яңасы танылган актер Дмитрий Певцовның фестиваль хөкеменә үзенең музыкаль проектын тәкъдим итүе булачак. Ә ачылу тантанасына Сергей Шакуровны чакырырга җыеналар.
