2024 елның иң яхшы галимнәре кемнәр?

Премия фонды 5,5 млн сум дип билгеләнгән иде. 

- Бүген без Татарстанда фәнни-технологик үсеш елына йомгак ясыйбыз. Ул республиканың фәнни-мәгариф комплексы өчен иң уңышлы чорларның берсе булды. Фән белән идарә итүнең бербөтен төбәк моделен булдыру тәмамланды. Галимнәргә финанс ярдәмен камилләштерү һәм гамәлгә кертү буенча зур эш башкарылды, - дип билгеләде Татарстан Рәисе Рөстәм Миңнеханов тантаналы чарада.

Бүләкләр 10 номинациядә тапшырылды.

Лауреат исеменә түбәндәгеләр лаек булды:

«Иң яхшы галим» номинациясендә – КФУның авыр чыгарыла торган углеводородлар ятмаларын эшкәртү һәм эксплуатацияләү кафедрасы мөдире Михаил Варфоломеев;

«Фәнгә тугрылык өчен» номинациясендә — КФУның метеорология, климатология һәм атмосфера экологиясе кафедрасы профессоры Юрий Переведенцев.  

«Фәндә цифрлаштыру» номинациясендә – Татарстан Фәннәр академиясенең Гамәли семиотика институты директоры Ринат Гыйльмуллин;

«Галим-мәгърифәтче» номинациясендә – Ш.Мәрҗани исемендәге Тарих институтының баш фәнни хезмәткәре Лилия Габдрафикова;

«Перспектива» номинациясендә – Казан дәүләт төзелеш-архитектура университетының төзелеш материаллары кафедрасы мөдире Альфред Сөләйманов;

«Призвание» номинациясендә — КФУның Гомуми психология кафедрасы профессоры Александр Прохоров;

«Иң яхшы яшьләр стартабы» номинациясендә – Казан дәүләт энергетика университеты аспиранты, яшьләр бизнес-инкубаторы җитәкчесе Алсу Ямилева;

«Иң яхшы фәнни остаз» номинациясендә – Казан дәүләт медицина университетының госпиталь терапия кафедрасы мөдире Диана Габделганиева;

«Балаларга фән» номинациясендә «Кванториум» балалар технопаркы директоры Юлия Фукина;

«Фәнни журналист» номинациясендә – «Татар-информ» мәгълүмат агентлыгының үсеш бүлеге башлыгы Арслан Минвәлиев («Миллиард татар» проекты);

Моннан тыш, Татарстан Фәннәр Академиясенең махсус премиясен хәзерге вакытта Луганскта булган Казан йөрәк-кан тамырлары хирургы Вадим Горбуновка тапшырдылар. Бүләкне сәхнәгә чыгып аның әнисе Ирина Горбунова алды.