#Мәгариф 14 сентябрь 2023, 16:37

Мәгариф министры биш көнлек укуны кертүгә карата үзенең фикерен җиткерде

14 сентябрь 2023, 16:37

Мәгариф министры Илсур Һадиуллин алтынчы чакырылыш Татарстан Дәүләт Советының кырык җиденче утырышы мәктәпләрдә биш көнлек укуны кертүгә карата үзенең фикерен җиткерде.

Скопировать ссылку

Мәгариф министры биш көнлек укуны кертүгә карата үзенең фикерен җиткерде

Министрның 2022 елда мәгарифне үстерү программаларын гамәлгә ашыру турындагы докладыннан соң депутатлар аны сорауларга күмеп ташлады. Шуларның берсе биш көнлек укуга кагылышлы иде.
– Бу мәктәпләрнең үз вәкаләте. Әти-әниләр, укытучылар коллективы белән фикерләшеп, укыту программасын мәктәп үзе кабул итә. Әмма безнең позиция: моның белән бик мавыкмаска. Мин моны ачыктан-ачык әйтәм. Алты көнлек уку программасын саклап, биш көнлек укуга күчсәк, бу балага авыр йөк булып торачак. Һәр көнне балаларга алты-җиде дәрес укырга туры киләчәк. Мәктәп укучыларының сәламәтлекләре турында да уйларга кирәк. Аннары башлангыч сыйныфлар бушлай кайнар аш белән тәэмин ителә, шул исәптән шимбә көнне дә. Төрле гаиләләр бар бит. Сәгатьләр саны кыскаргач, тирәнтен өйрәнелә торган предметларны ничек өйрәнергә? Биш көнлек укуга күчәргә дигән массаны тәрбияләргә кирәк безгә. Күпмедер вакыттан дүрт көнлеккә күчик, өч көн укыйк дия башларлар алар, – дип җавап бирде министр Николай Нефедовның соравына.

Кызыклы яңалыкларны күзәтеп бару өчен Т елеграмга кушылыгыз.

Язмага реакция белдерегез

Реакция язылган инде

Комментарийлар

Без имени

1

0

Ничек инде, мэгьнэсезьек бит бу, балалар ял итэргэ тиеш. Энэ эшче кешелэр бер генэ Кон ял белэн эшлэсенннэр. Ник узлэре ял итэ сон ул начальниклар, эшлэгезззззз