ИГЪТИБАР! "Тукай мирасы" викторинасы старт алды!

Җавапларны "Шәһри Казан"газетасы сайтында викторина сораулары ахырында фикерләр калдыру урынында тулы исем-фамилиягез, телефоныгыз белән язып калдыра яки shahri-kazan@tatmedia.com адресына юллый аласыз.

Димәк, башладык!

Габдулла Тукайга багышланган викторина сораулары:

1. Тукай Уральскида нинди журналлар белән хезмәттәшлек итә?

2. "Китмибез" шигырен кайда яза?

3. Үзенең сатирик шигырьләрен кайсы журналда бастыра?

4. Тукай белән Галиәсгар Камал нинди журнал чыгара?

5. "Милли моңнар" шигыренә язылган җырның хәзерге исеме ничек?

6. Тукай кайсы язучы белән якын дуслар була?

7. Тукайга багышланган музей комплексы кайсы авылда төзелгән?

8. Казанда Тукай исеме белән бәйле нинди урыннарны беләсез?

9. Республиканың Тукай исемендәге дәүләт бүләге кайчан бирелә башлады?

10. Камал театрында Тукай ролен башкарган артистлардан кемнәрне беләсез? (элекке һәм хәзерге)

11. Филармониягә Тукай исеме бирелүгә ничә ел?

12. Тукай бүләгенә ия булган кайсы артистларны беләсез?

13. "Апуш - Тукай" романынның авторы кем?

14. Тинчурин театрында Тукай турында нинди спектакль куелды?

15. Тукайның "Шүрәле" берничә ел элек кайсы чит илдә басылды?

16. Кариев исемендәге театрда куелган "Печән базары" спектакленең режиссеры кем?

17. Тукайның кайсы шигыре балаларга васыять булып яңгырый?

18. Җәлил исемендәге Татар дәүләт академия опера һәм балет театрында Тукайга багышланган нинди спектакль куелды. Аның авторлары кемнәр?