#Шоу-бизнес 24 август 2020, 14:48

70 мең сумлык күлмәк кигән Айлин: “Тәнем кушканча яшим”

24 август 2020, 14:48

“TMTV” премиясен алганнан соң, татар эстрадасының Айлин исемле яңа йолдызы тагын да яктырак яна башлады. Эш шунда, Айлинның тантанага киеп килгән үзенчәлекле киеме халык арасында зур шау-шу куптарды. Шул рәвешле, халык үзе дә сизмәстән, Айлинның рейтингын күтәрде.

Скопировать ссылку

70 мең сумлык күлмәк кигән Айлин: “Тәнем кушканча яшим”

- Айлин, премия алуың белән котлыйбыз! Бу образ кемнең идеясе иде?

- Күлмәкне стилист Валери Иванишвили тәкъдим итте. Продюсерым бу образдан шикләнде, “шау-шу булачак” диде. Һәм ул хаклы булып чыкты. Ләкин без моңа әзер идек.

- Күлмәкне каян алдың? Бәясе ничә сум?

- Күлмәк - “Диор”дан, оригинал. Тукымасы - Италиядә, ә челтәре Франциядә эшләнгән. Аның бәясе – 70 мең сум.

- Тискәре фикерләрдән кәефең төштеме?

- Чын күңелдән әйтәм, мин кәефемне төшермим, киресенчә, миңа кызык. Кешегә фикер алышу өчен сәбәп биреп торырга кирәк. Киләсе юлы бик әхлаклы булачакмын, анысында да сөйләячәкләр, беләм. Бу бит шоу-бизнес. Мин барысына да әзер. Актриса булгач, теләсә нинди рольне уйный алам.

- Әти-әниең, ирең ни диде?

- Барысы да канәгать! Әти-әнием дә, ирем дә заманча фикер йөртә.

- “Кеше ни әйтер?” дип курыкмадыңмы?

- Мин күңелем һәм тәнем кушканча яшим. “Кеше ни әйтер икән?” дигән уй белән яшәмәвем белән бәхетле мин. Бик күп “лайклар” җыелды, язылучыларым да артты. Ә хейтерлар үзләре дә сизмәстән, миңа менә дигән реклама ясады. Рәхмәт!

Эльвира ШАКИРОВА

Кызыклы яңалыкларны күзәтеп бару өчен Т елеграмга кушылыгыз.

#шоу-бизнес #Татар эстрадасы #айлин

Язмага реакция белдерегез

Реакция язылган инде

Комментарийлар

Без имени

0

0

Сэхнэгэ кеше алдына чыккан жырчы, шул ук кеше фикеренэ бераз игътибар итэргэ тиештер ул, минемчэ. Тамашачына хормэт белэн карау кирэк.