Артур белән Марат нигә аерым җырлый башлаганнар?

- Һәрнәрсәнең үз вакыты. 16 ел "Казан егетләре" төркеме, ә 5 елга якын "Артур-Марат" дуэты буларак йөрдек. Ниһаять, сольный карьерага да вакыт килеп җитте. "Артур-Марат" дуэты ирешәсенә иреште, тагы да биегрәк оча алмас идек. Ә иҗатта иң куркынычы шул. Хәзер мин үземне башка яктан ачтым, бөтенләй башкача һава сулыйм.

Аннары, мәхәббәт турындагы җырларны бергә башкару читен иде. Ә җырда - ул төп темаларның берсе. Күңел кылларым мәхәббәтне ничек тоя, хәзер тамашачыга да аны шулай, түкми-чәчми җиткерә алам.

Иң попуяр сорау: "Ә Сез Марат белән аралашасызмы, әллә инде талаштыгызмы?" Әлбәттә, аралашабыз. Без дустанә мөнәсәбәтләрдә, бар да яхшы.