Берара "Казан егетләре" төркемендә җырлаган, ә хәзер үзе "сольный" проектын башлап җибәргән яшь җырчы Илнат Фәрхуллин инстаграм сәхифәсендә авылга, салада яшәүче яшьләргә карата үз мөнәсәбәтен белдергән язма урнаштырган.
«Әлеге постны язмам дигән идем, үзем язам, аннан сызып ташлыйм да, яңадан яза башлыйм! Кичә студиядән кайтып барганда, ике танышымны очраттым. Берсе - күренекле режиссёр, берсе -жырчы. Бераз мине мактап алдылар да, соңыннан «төшерергә» маташтылар ☺️ АВЫЛДАН чыккан ике «профессионал» фикере буенча, минем «Авыл яшьләре» клибы «колхозный» икән ? Имеш. татар сәнгатен үстерер урынына мин «21» гасырда «арзан» (дешёвый) клип төшергәнмен.?
Беренчедән, әлеге ике «профессор» атна саен авылга кайтып йөриләр. Үзләре авылдан.
Икенчедән, мин авылны яратам һәм клипта кызык итеп, җиңел итеп, авыл күренешен күрсәттем.
Өченчедән, авыл яшьләре, авыл халкы турында бик аз сөйлиләр һәм күрсәтәләр. Аларга җавабым болайрак булды: «Кәеф эзләп йөргән артистлар үзләренә "сыйфатлы" клип төшерсеннәр, ә мин халкым белән янәшә булырга телим», дидем (русч.«Пусть кайфушники, артисты снимают для себя клип «качественный», я хочу быть рядом, с народом). Дөрес әйткәнменме?»
Комментарийлар