Шәһри Казан

Дәниф Шәрәфетдинов: «Үткәннәрне сагына торган гадәтем юк»

Дәнифнең моңлы тавышына битараф булмаганнар күп. Заманында бит аңа меңләгән гүзәл зат гашыйк иде! Кызганычка каршы, авыру аның карьерасында озак пауза ясый. Җырчының хәзер хәлләре ничек соң? Бүген ул кайда һәм нәрсә белән шөгыльләнә?

- Дәниф, хәлләрегез ничек? Тормышыгызда, иҗатыгызда нинди яңалыклар бар?
- Әллә ни яңалыклар юк, бар да элеккегечә: Чаллы шәһәрендә хатыным, балаларым белән яшим. Улым - Казанда, музыка көллиятендә укып йөри. Кызым Диана быел 9нчы сыйныфны тәмамлый. Хатыным Зәринә балалар бакчасында өлкән тәрбияче булып эшли.
Иҗатка килгәндә, концертлар белән бер авылдан икенчесенә йөрибез. Яңа җырлар өстендә эшлим, тик торылмый.



- "Бәйрәм" ансамблендә эшләгән еллар сагындырамы?
- Үткәннәрне сагына торган гадәтем юк. Әле бит Виталий Агапов, Зөһрә Шәрифуллиа, Гөлдәния Хәйруллина белән дә эшләп йөрдем. Әлбәттә, ул елларны хәтергә төшерәм, әмма юксынып түгел. "Хәния Фәрхи белән шул шәһәрләрдә булдык бит әле", - ди уйлап куям.

"Бәйрәм"дә эшләгән еллар - күңелле дә, җаваплы да иде. Төркем булгач, барыбыз да бер төрле фикерләргә, бер вакытта йокларга ятарга, бер вакытта уянырга тиеш... Җитәкчебез - Гәбделхәй бик таләпчән кеше иде. Теләсәң, теләмәсәң дә эшеңә карата җитди булырга кирәк. Ансамбль барлыкка килеп, халыкка таныла башлаган еллар иде бит, ә ул тагы да җаваплылык өсти. Бөтен төркемгә - бер җиңел машина, башка бер әйбер дә юк. Илгиз Закиров, Фәрит Әхсәнов, Радик Нигъмәтҗанов, Фәрит Миннибаевлар белән эшләү - зур бәхет иде ул.

Реклама



Ул елларда Хәния Фәрхинең тәүге альбомы - "Онытылыр димә"не әзерләгән идек. Анда акча турында уйлау бөтенләй юк иде, бирелеп, студиядә куна калып эшләдек. Һәм, миңа калса, ул иң отышлы альбом. Хәзер бит альбомнар бик җиңел һәм тиз эшләнә. Җырчы кичтән җыр ятлый да, икенче көнне студиягә барып яздыра. "Обкатка" дигән әйбер юк. Ә бит җырны еллар буе сәхнәдә җырлап, соңыннан студиягә барып яздырсаң, ул бөтенләй башкача яңгырый.



- Ансамбльгә эшләргә чакырсалар, кайтыр идегезме?
- Юк. Алар графигы белән яши алмам төсле. Ерак шәһәрләргә дә бара алмыйм. Без эшләгән дәвердәге музыкантлар белән, Татарстан буйлап кына йөрибез дисәләр, ризалашыр идем.

- Ул елларда сезнең белән булган берәр кызыклы хәлне сөйли алмассызмы?
- Сезонның соңгы тамашасы артистлар телендә "Яшел концерт" дип атала. Ул концертта артистлар бер-берсен шаярта, программаның үзгәреп китүе дә бар, әмма тамашачы моны сизмәскә тиеш. "Стамбул" дигән җырны башкарганда, режиссер сүзе буенча, кара күзлек киеп җырларга тиешмен. Синтезатор өстендә торган күзлекне алып кидем, әмма бер әйбер дә күрмим. Җырларга, сәхнәдә селкенергә кирәк. Тамашачыга сиздерми, күзлекне салып карадым: анда кара изолента беркетелгән. Изолентаны тиз генә куптардым да, күзлекне киеп куйдым, җырлауымны дәвам итәм. Әмма барыбер бернәрсә дә күрмим. Селкенмичә, бер урында гына басып җырладым. Баксаң, Урал Рәшитов мине шулай шаярткан. Изолента гына түгел, күзлекнең пыяласын кара маркер белән буяган булган.
Урал - бик күңелле кеше ул. Бергә эшләгәндә озак-озак сөйләшеп утыра идек. "Бәйрәм" ансамбленә, шундый зур шәхесләр белән очраштырганына, аеруча рәхмәтлемен.

- Миңа калса, Хәния Фәрхинең иң уңышлы дуэтлары - ул сезнең белән башкарылганнары.
- Дуэтларга карата мин бик җитди карашта. Аны бит теләсә кем белән җырлап булмый. Дуэтта бер кеше икенчесен ишетеп җырларга тиеш. Бу эшкә алынгансың икән, аны җирендә җиткереп эшләргә кирәк. Дуэтны өстән-өстән, тиз генә яздырып булмый. Дуэт башкарыйк әле, дип, әле дә шалтыратучылар бар. Әмма алынмыйм, авыр эш ул.

Уңышлы дуэтны сере гади - Хәния апаның тавышына комачауламыйча, кушылып җырлау. Дуэтта хатын-кыз белән ир-ат җырлый икән, ирләр югары яки түбән ноталарны хатын-кыз тавышын басмыйча, әмма үзләрен дә ишеттерерлек итеп җырлый алырга тиешләр. Дуэтның аранжировкасын Хәния апаның тавышына эшлиләр иде, мин соңыннан иярә идем.



- Бер арада сезне тамашачы югалтты. "Урын өстендә генә ята, йөри алмый", - дип тә сөйләделәр.
- Әйе, өч ел өйдән дә чыкмадым бит. 2000нче елда авариягә эләгеп, өч ай дәваханәдә яттым. Әйбәтләнгән кебек идем. Тикшеренүләр үттем, аны-моны тапмадылар. Белмим, дөрес дәваламау нәтиҗәсе булдымы, әллә инде авариягә кадәр булганмы, "Бехтерев авыруы" дигән куркыныч диагноз куйдылар. Хәзер айга бер кыйммәтле укол ясатып торам. Бураннар булганда, атмосфера басымы тотрыклы булмаса, авырракка туры килә, ике ампула да эшләтәм. Аягымда йөреп торгач, зарланмыйм. Авылларда концертлар куябыз - шуннан бераз акча керә, аранжировкалар ясыйм, берникадәр пенсиям дә бар. Даруга җиткерәм дип әйтәсем килә. "Даруга акча бирегез әле", - дип ярдәм сорамыйм. Гомумән, ярдәм сорап йөри торган кеше түгел мин. Ир-атка бу килешми дә.
Чаллы артистларына рәхмәтлемен. Сул ягым параличлангач, хәлем бөтенләй начарайган вакытта, алар хәйрия концерты куеп, матди ярдәм күрсәтте.

- Сезнең сәламәтлеккә зыян килү хатыныгызга да аз авырлыклар тудырмагандыр...
- Әйе, әмма ул гел янымда булды. Бергә гомер итүебезгә быел 20 ел була. Әлбәттә, савыт-саба ватылмый тормый. Тормыш булгач, төрле чаклар була. Гадәттә, хатын-кыз горур була, бик гафу үтенеп бармый. Үзем гаепле булсам да, хатын гаепле булса да, мин башымны ия белдем. Кулга-кул тотынып, күзгә-күз карап сөйләшкәннән соң, болытлар шундук тарала.

Элек гастрольләрдә йөргән чакта ул мине көнли иде. Ә хәзер мин аны көнлим. Мин нык көнчел кеше, дөньяда миннән дә көнчелрәк кеше юктыр ул.
Кеше әйберенә кызыгу кебек сыйфат миңа хас түгел. "Эх, ул әйбер миндә дә булсын иде", - дигәнем юк.

- Нинди планнар белән янып яшисез?
- Кызымны укырга кертергә иде. Улым белемен Мәскәүдә камилләштермәкче, аңа да ярдәм итәргә кирәк. Үзем программа әзерләп, зур концерт кую хакында хыялланам. Әкеренләп, җайлап максатларга ирешергә иде. Кешедән үземне җәлләтеп утырасым килми. Ходай биргән сәламәтлегеннән генә аермасын, калганы булыр, дим.


Теги: 250
Нравится
Поделиться:
Реклама
Комментарии (0)
  • 22 май 2018 - 17:26
    «Һәр гаилә үз законнарын яза» Татарстан Дәүләт Советында узган матбугат конференциясендә парламент башлыгы урынбасары, «Мәрхәмәт» хатын-кыз депутатлар берләшмәсе җитәкчесе Татьяна Ларионова хәбәр иткәнчә, быелдан инвалид балаларны уллыкка алган гаиләләргә 200әр мең сум акча бирелә башлады. Әлеге вакытта бу ярдәмнән сигез гаилә файдаланган.
    98
    0
    0
  • 22 май 2018 - 15:57
    «Татар кызчыгы – 2018» бәйгесе җиңүчесе кем? «Алтыда нинди, алтмышта – шундый», – ди халык. Димәк, тәрбияне дә, белемне дә кечкенәдән бирергә, әдәп-әхлакка, йолаларга, гореф-гадәтләргә, милли моңнарга мәхәббәтне дә сабый чактан сеңдерергә кирәк. Быел гына яңадан оешып, гөрләтеп эшләп киткән Бөтендөнья татар хатын-кызлары «Ак калфак» иҗтимагый оешмасының Казан бүлеге активистлары да нәкъ шул максатны күздә тотып оештырдылар «Татар кызчыгы – 2018» бәйгесен. Беренче тапкыр гына үтсә дә, «коймак» төерле булмады.
    146
    0
    0
  • 22 май 2018 - 14:44
    Даниярга аякка басарга ярдәм итегез! 28 апрель – Мөхетдиновлар өчен авыр көн. Берничә ел элек шул көнне әбиләре вафат булган, 2016 елда Алсу бала тудыру йортына сабыен табарга киткәч, бабайлары бакыйлыкка күчкән.
    163
    0
    1
  • 22 май 2018 - 14:38
    Җанатар паспорты белән Камал театрына билетларны ярты бәядән сатып алып булачак Футбол буенча дөнья чемпионаты вакытында Камал театрына билетларны ярты бәядән сатып алып булачак. Моның өчен җанатар паспорты – Fan-IDны күрсәтергә кирәк.
    91
    0
    0
  • 22 май 2018 - 14:28
    Тел өчен көрәш дәвам итә: фикердәшләр арта Милли телләрне укыту тирәсендә кабат шау-шу бара. Бу Россия Дәүләт Думасы депутатлары Алена Аршинова, Олег Николаев, Шамсаил Саралиев, Олег Смолин, Елена Строкова һәм Борис Чернышевның милли телләрне укыту балалар һәм ата-аналарның үз теләге белән генә булырга тиеш дигән закон проектын тәкъдим итүе белән бәйле.
    120
    0
    0
  • 22 май 2018 - 13:55
    Казанда күрмәүчеләр һәм начар күрүчеләр өчен тифлокомментарийлы спектакль күрсәтелде Кариев исемендәге Казан татар дәүләт яшь тамашачы театры тарихта беренче тапкыр күрмәүчеләр һәм начар күрүчеләр өчен тифлокомментарийлы спектакль күрсәтте. Күрмәүчеләр өчен бу сезонда барган «Куян Эдвардның гаҗәеп сәяхәте» (К.Дикамилло) әсәрен яраклаштыруга бер-ике айлап вакыт киткән.
    158
    0
    0
  • 22 май 2018 - 09:26
    Бәлки сездә салкын тию түгел, ә аллергиядер? (КИҢӘШЛӘР) Әгәр дә һәр яз саен күзләрегез кы­чыта, яшь ага, төчкерәсез һәм томаудан азапланасыз икән, димәк, сездә язга аллергия дигән сүз.
    176
    0
    0
  • 22 май 2018 - 07:21
    Казан марафоны: әбиләр дә, бәбиләр дә йөгерде 1974 елда башланган Казан марафоны инде өч ел рәттән яңартылган форматта үткәрелә. Узган ел әлеге марафоннан соң Казан Россиянең йөгерүче башкаласы исемен алды.
    66
    0
    0
  • 21 май 2018 - 16:43
    40 елдан артык тракторда эшләгән Вәсилә Шәмсетдинова: «Көлеп караучылар да булды» Тенеки авылында 40 елдан артык тракторда эшләгән Вәсилә Шәмсетдинова яши дигәч, аның белән танышырга теләп, өйләрен эзләп киттем. Әллә кайдан күренеп торган матур йортка күз төшүгә үк, тырыш, булдыклы кеше шушы йортта яшәргә тиеш дип, ишекләрен кактым.
    536
    0
    4
  • 21 май 2018 - 16:19
    «МИН» тапшыруында катнашучылар арасында битләрен бары тик сабын белән генә юучылар да бар» Быелның 8 мартында “Яңа Гасыр” телеканалында өр-яңа тапшыру – “Мин” эфирга чыга башлады.
    915
    1
    0
  • 21 май 2018 - 15:38
    Биш яшьлек Мишага ярдәм кирәк! Благотворительный фонд помощи детям World Vita объявил о начале сбора средств для помощи пятилетнему Мише. У ребенка порок сердца в критической стадии и операция требуется безотлагательно, говорится на странице Миши на портале фонда.
    317
    0
    0
  • 21 май 2018 - 15:07
    Əнвәр Нургалиев: «Яман чирне бергәләп җиңеп чыгачакбыз!» Узган атнаны Əнвәр Нургалиев яман чир белән авыручы кызга акча җыябыз, дигән хәбәр таратты. «Айсылу безнең гаилә өчен якын кеше, аңа чын күңелдән ярдәм итәсе килә», - дигән ул.
    4070
    0
    7
Реклама
  • 17 май 2018 - 11:28
    Өй салуның ние бар? - 2
  • Хәйрия концертыннан ФОТОРЕПОРТАЖ
  • «Үлемсез полк» маршында 165 меңнән артык кеше катнашты
  • Казанның Меньеллык мәйданында узган Җиңү парадыннан ФОТОРЕПОРТАЖ
  • Суга сикерү буенча дөнья сериясе. Казан. 2018-FINA
  • 1 май митингыннан ФОТОРЕПОРТАЖ
  • Тукайга багышланган шигырь бәйрәменнән ФОТОРЕПОРТАЖ
  • Тукай премиясен тапшыру тантанасыннан ФОТОРЕПОРТАЖ
  • Дәүләт Советы сессиясеннән ФОТОРЕПОРТАЖ 25.04.2018
  • «TMTV» музыкаль премиясе тапшыру тантанасыннан ФОТОРЕПОРТАЖ
  • Спорт гимнастикасы буенча Россия чемпионатыннан ФОТОРЕПОРТАЖ 18.04.2018
Соңгы комментарийлар
Интервью
  • 22 май 2018 - 17:26
    «Һәр гаилә үз законнарын яза» Татарстан Дәүләт Советында узган матбугат конференциясендә парламент башлыгы урынбасары, «Мәрхәмәт» хатын-кыз депутатлар берләшмәсе җитәкчесе Татьяна Ларионова хәбәр иткәнчә, быелдан инвалид балаларны уллыкка алган гаиләләргә 200әр мең сум акча бирелә башлады. Әлеге вакытта бу ярдәмнән сигез гаилә файдаланган.
    98
    0
    0
Ночной режим