Гүзәл Уразова дүртенчене көтә?!

Ире Илдар Хәкимов белән бергә төшкән фотога ул:

Бездән нинди яңалыкны ныграк көтәсез?

1) Тиздән яңа дуэт җырыбыз әзер була!

2) "Без дүртенчегә бәби көтәбез" ?

Тавыш бирәбез)) ?

#ильдархакимов

#гузельуразова

#ускэч

дип язып куйгач, бөтенесе дә комментарийлар язарга тотынды.  "Бер яңалык икечкесенә комаучаламый", "Без сизенгән идек инде", "Сез игезәкләр табачаксыз", - дип язып калдырга тамашачылары. Баксаң, алар эстраданың иң популяр парыннан  иҗади җимеш көтми, ә дүртенчегә әти-әни итәргә тели.

Бу көнне Гүзәл Уразовага шалтыратучылар күп булган. "Шалтыратмаган туган калмады, әни дә безне бәби көтәләр дип, шаккатып шалтырата", - ди җырчы.

Кичә җырчы барлык икеләнүләргә нокта куеп, кичә хәтта видео төшергән. "Бар да яхшы, мин балачактан шулай - селедка белән шоколад ашап өйрәнгән", - ди ул. Әмма ул ашап утырган шоколад һәм селедка янында тозлы кыяр булуы тамашачыларга барыбер тынгы бирми...