16+

«Икенче балабыз кыз булыр дип уйлаган идек»

23 апреля 2025, 12:47
4976
0
3
Уку өчен 2 минут

«Нур» театры актрисасы Айгөл Юнысова һәм баянчы, җырчы Алмаз Юнысовларның зур сөенече бар.

«Икенче балабыз кыз булыр дип уйлаган идек»

«Нур» театры актрисасы Айгөл Юнысова һәм баянчы, җырчы Алмаз Юнысовларның зур сөенече бар.

Айгөл белән Алмаз, үзләре кебек үк җыр-моңга гашыйк бер егет үстерәләр инде. Айвазга хәзер 9 яшь. Юнысовлар гаиләсендә 4050 кг авырлыктагы, тагын бер ир бала дөньяга аваз салган. Алмаз белән сөйләшеп, сөенечләрен уртаклаштык. 

– Улыгыз туганда тормыш иптәшегез янында булгансыз икән. Курыкмадыгызмы?

– Моны сүз белән генә аңлатып, сөйләп бетереп булмый. Тормыш иптәшем өчен борчылдым. Бик дулкынландым. Ә бала дөньяга беренче авазларын салгач, бөтенесе онытыла. Бу шундый зур шатлык бит. Көтеп алынган сабыебыз.

– Тормыш иптәшегезгә караш үзгәрдеме?

– Үзең күрмәгәч, баланың дөньяга килүен күз алдына китереп булмый. Ә бу бит хатын-кыздан никадәр көч, түземлек таләп итә. Һәрбер әни кешегә илаһи затка кебек карый башлыйсың. 

– Сез кемне көткән идегез: малаймы әллә кызмы?

– Дөресен әйткәндә, икенче балабыз кыз булыр дип уйлаган идек. Тормыш иптәшем дә, улым да, мин дә кыз көттек. Беренче УЗИдан соң кем туасын әйтмәскә куштык.  5 айдан соң, “гендер пати”  оештырып, шунда гына белдек. Малай буласын белгәч тә, шатландык. Исән-сау булып үссен генә. Аллаһ насыйп итсә, бәлки, тагын булыр әле. 

– “Гендер пати” оештырган җырчыларны тәнкыйтьләүчеләр дә бар. Сез моңа нинди карашта?

– Тәнкыйтьләргә теләгән кеше сәбәбен болай да таба ул. Без бит начар әйбер күрсәтмибез. Бала туу – күңелле яңалык бит. Безнең бәйрәм оештырасы килде, уздырдык. Тормышыбызның кадерле мизгелен шулай истәлекле үткәрәсе килде. Беркемгә дә зыян салмадык. 

– Нинди исем куштыгыз?

– Улыбыз Раяз исемле. Бу исемне дә, беренче улыбызга да исемне мин сайладым. Әлбәттә, киңәшләштек, тик шулай да соңгы сүзне мин әйттем. Гаиләдә дә шулай. 

“Шәһри Казан” редакциясе исеменнән Айгөл белән Алмаз Юнысовларны котлыйбыз! Бәхетле, сау-сәламәт бала булып үссен.

Кызыклы яңалыкларны күзәтеп бару өчен Вконтактега кушылыгыз. 

Язмага реакция белдерегез

3

0

0

0

0

Реакция язылган инде

Комментарийлар

Мөһим

loading