Илһам Шәриф: "Хәмдүнә апаның васыятен үтим"

“Исән чагында Хәмдүнә апаның әйткән васыяте бар иде. Беренчедән, ул үзен Курган зиратында җирләвен үтенде. Ул нәкъ менә шунда җирләнде. Аннан соң 3ен, 7сен, 40гын һәм елын үткәрергә, искә алу кичәләрен оештырырга сорады. Ашларын үткәрдем, хәзер менә елына багышланган искә алу кичәсенә әзерләнәбез”, - ди Илһам.

Концертны Алмаз Мирзаянов алып барачак. “Хәмдүнә апа Алмазны бик ярата иде. Шуңа күрә аны чакырырга булдым. Гомумән, концертта Хәмдүнә апаның яраткан җырчылары катнашачак. Алар арасында Зөһрә Шәрифуллина, Зөлфия һәм Җәвит Шакировлар, Илсөя Бәдретдинова, Ришат Төхвәтуллин, Ришат Фазлыйәхмәтов, Резидә Шәрәфиева, Раяз Фасыйхов һәм башкалар бар. Тамашачы Хәмдүнә апаны экранда күрә алачак”, - диде Илһам Шәриф.

Казанда концерт 18 сентябрьдә “Уникс” концертлар залында узачак. Керү бәясе – 700-1500 сум.