Шәһри Казан

Көн дә бер кызга гашыйк булучы Рәшит Шамкай: «Йөрәгем – хатын-кызлар тулай торагы»

- Хәлләрем яхшы, зарланмыйм. Дару ашыйм бит, күрәсең, файдасы бар. Менә матур яз да килде, кояш чыкты. Карт булсам да, шигырьләр язудан туктамыйм. Менә, кичә язганы:

Кояш кебек якты йөзе белән
Айгөл мине үзенә әсир итте.
Дөньясыннан туеп барганда
Яшиселәр килеп китте.

Ара ерак, юллар озын,
Ыгы-зыгы җир йөзендә.
Сары яфрак кебек чайкаламын
Төнсез хыял диңгезендә.

Офыкларда кояш баемады,
Зәңгәр күктә ай да тулмады.
Күпме илләр, гөлчәчәкләр күрдем,
Тик Айгөлгә тиңе булмады.

Айгөл, Айгөл, сокланып туя алмыйм,
Яннарыңнан һич тә килми китәсе.
Айгөл мине үзенә тартып тора,
Әйтерсең дә магниты артып тора.


- Рәшит абый, сүз кайсы Айгөл хакында бара?
- Әйтмим әле, сер. Куркам, кызлар минем өчен үзара сугышмасын. Әле Гөлназга багышлап язганым да бар, Миләүшәгә дә. Миләүшәне сез дә беләсез, Чаллы кызы, биюче. Бер көнне аңа: "Миләүшә, мин сине яратам", - дигән идем, ул: "Рәшит абый, мин дә сине яратам, чөнки синең кебекләр бу дөньяда юк", - диде. Бу сүзләрдән соң илһамланып, тагы бер шигырь язып аттым:

Реклама

Яратма син мине, Миләүшә,
Оныт мине, читкә кара да.
Басып торсак та без янәшә,
Ярты гасыр безнең арада.

Мин мосафир синең язмышыңда,
Ә син мизгел минем юлымда.
Мин сөямен сине, ә сине мине,
Калганы инде Ходай кулында.


- Яз сезгә шулай тәэсир итәме?
- Язлар, мартлар хәзер йогынты ясамый инде, 80 яшьтәмен бит инде! Бу инде үзенчә картлык нурлары. Картайгач, тагы да ныграк, тагы да күбрәк гашыйк буласың икән. Миңа калса, үлгән кеше генә гашыйк була алмый. Исән чакта кеше мәхәббәт утларында янарга тиеш. Үлгәнче яратырга кирәк! Менә, Азалия, сезне күрсәм дә гашыйк булырмын әле. Ниндирәк соң син, сөйлә әле...

- 180 сантиметр буйлы, кара чәчле...
- Синең Тарзан кебек буең янында мин бөтенләй мескен булып күренермен инде. Әмма күңелгә ятсаң, яхшы әңгәмәдәш булсаң, буй бер нәрсә дә хәл итә алмый.

- Мәхәббәткә ышанасыз инде?
- Ышанам, әлбәттә. Көн дә гашыйк булам дип әйтеп торам бит. Тик менә картайгач бер проблема - кемгә гашыйк булганымны шундук онытам. Аннары тагы бер икенчегә гашыйк булам. Сәхнәдән дә еш әйткәнем бар: минем йөрәк - хатын-кызлар тулай торагы, алар анда - миллион!


Теги: 250
Нравится
Поделиться:
Реклама
Комментарии (0)
Реклама
  • 17 май 2018 - 11:28
    Өй салуның ние бар? - 2
  • «Үлемсез полк» маршында 165 меңнән артык кеше катнашты
  • Казанның Меньеллык мәйданында узган Җиңү парадыннан ФОТОРЕПОРТАЖ
  • Суга сикерү буенча дөнья сериясе. Казан. 2018-FINA
  • 1 май митингыннан ФОТОРЕПОРТАЖ
  • Тукайга багышланган шигырь бәйрәменнән ФОТОРЕПОРТАЖ
  • Тукай премиясен тапшыру тантанасыннан ФОТОРЕПОРТАЖ
  • Дәүләт Советы сессиясеннән ФОТОРЕПОРТАЖ 25.04.2018
  • «TMTV» музыкаль премиясе тапшыру тантанасыннан ФОТОРЕПОРТАЖ
  • Спорт гимнастикасы буенча Россия чемпионатыннан ФОТОРЕПОРТАЖ 18.04.2018
  • Икенчел чимал һәм кием җыю буенча мобиль пункты акциясе. Фоторепортаж
Соңгы комментарийлар
Интервью
  • 21 май 2018 - 17:00
    «Китапханә паркта» проекты старт ала Казанда узачак Футбол буенча дөнья чемпионаты көннәрендә Татарстан Республикасының Милли китапханәсендә узачак чаралар турында журналистларга китапханә директорының фәнни эшләр буенча урынбасары Ирек Һадиев сөйләде.
    49
    0
    0
  • 17 апрель 2018 - 11:15
    Илшат Әминов: «Дөнья йөзендә бер генә татар калса да, без аның өчен эшләячәкбез» «Яңа Гасыр» телерадиокомпаниясе татар журналистикасында өч студентны үз хисабына укытырга җыена. Телеканалда «Әйдә ТНВга» исемле бәйге игълан ителде, бу хакта телерадиокомпаниянең генераль директоры Илшат Әминов журналистлар белән очрашуда сөйләде. Матбугат конференциясендә телгә алынмый калган сорауларга ул эксклюзив әңгәмәдә җавап бирде.
    366
    0
    0
  • 17 апрель 2018 - 10:39
    Раиф Зиннәтуллин: «100% бала татар теленә каршы дип уйларга кирәкми» Казан башкарма комитетының милли мәгариф бүлеге методисты Раиф Зиннәтуллин йөз процент бала татар теленә каршы дип уйларга кирәкми. Балалар, бәлки, ата-аналары басымы астында аны сайламый торгандыр дип исәпли.
    359
    0
    2
  • 17 апрель 2018 - 11:03
    Осиноводан Швейцария ясамакчылар Казанда чүп яндыру заводы 2022 ел ахырында барлыкка килергә тиеш. Ул Казан читендәге Осиново бистәсе янында төзелер дип планлаштырыла. Төзелеш эшләре 28 миллиард сумга төшәр дип көтелә. Завод елына 550 мең тонна чүп яндырачак. Шуның нәтиҗәсендә 55 мегаватт электр энергиясе бүленеп чыга.
    354
    0
    0
Ночной режим