"КунакБит ШоУ" тапшыруы алып баручысы Алисә Җамалиева әни булды!

“7 июнь көнне Казанның 1нче бала тудыру йортында кызыбыз дөньяга килде. Баланы кесарев кисеме белән таптым. Хәлебез яхшы, Аллаһка шөкер. Авырлыгы - 3540 грамм, буе - 54 см. Олы кызыбыз Раянага нәкъ бер айдан 5 яшь тула, Аллаһы боерса. Ул 2016 елның 7 июлендә туды”, - дип сөйләде безгә Алисә.

“Исем буенча берничә вариант бар, тик уртак фикергә килмәдек әле”, - диде ул. Шуны да әйтергә кирәк, тиздән, 11 июньдә Алисәнең дә туган көне булачак.

Алисәне икенче тапкыр әни булуы белән чын күңелдән котлыйбыз, сәламәтлек һәм гаилә бәхете телибез!