16+

Лилия Хәйруллина бәби көтә: "Бала табарга курка башладым"

Популяр җырчы Лилия Хәйруллина өченче тапкыр әни булырга җыена. Ул йөклелек чорының ничек узуы һәм кайчан бәби алып кайтачагы турында сөйләде.

Лилия Хәйруллина бәби көтә: "Бала табарга курка башладым"

Популяр җырчы Лилия Хәйруллина өченче тапкыр әни булырга җыена. Ул йөклелек чорының ничек узуы һәм кайчан бәби алып кайтачагы турында сөйләде.

“Йөкле икәнемне белү көтелмәгән яңалык булды. Югалып калдым. Башта эш, планнар, сәфәрләр, алда булачак чикләүләр, аннары вирус, сәламәтлек турында уйладым. Кыскасы, берничә секунд эчендә күз алдымнан төрлесе йөгереп узды. Бары аннан соң гына мин ни булганын аңладым һәм бик сөендем.

Берзаман бала табарга курка башладым. Физик яктан бар да яхшы, ә менә рухи яктан вакыты вакыты белән күңелне курку хисе биләде. Борчылулар, кәеф үзгәрүчәнлеге күзәтелә башлады. Кайвакыт Инстаграмны ачу түгел, сториз яздырырга да теләк булмады. 

Иң кыены шул булды: 3 көн тоташ бертуктаусыз баш авыртты. Дару эчәргә ярамый. Гадәттә, мине цитрамон коткара иде. Өченче көнгә табиб дару эчәргә рөхсәт бирде. Ләкин миңа дару түгел, ә шикәрле кара чәй ярдәм итте. Гаҗәп! Хәзер моны гел истә тотачакмын.

Хәзер шикәрсез кайнар какао эчәм, чөнки чәй белән кофе эчә алмыйм, организм кабул итми. Токсикоз борчымады, Аллаһка шөкер. Йөклелек чоры да тыныч уза.

Әлегә кадәр кешегә белгертмәскә тырыштым. Ләкин 4 февраль көнне барысы да билгеле булды. Миләүшә Сабированың туган көненнән кайткач, төнге сәгать 12дә интернетта йөкле булуым турында яңалык укыдым. Безнең журналистиканың оператив эшләве сөендерә, әлбәттә. 

Бу яңалыкны интернет киңлегенә игълан итү минем өчен гадәти күренеш түгел, шуңа да башка чыганаклардан ишетелгәнче, бу хакта үзем әйтергә булдым. Бу бит минем тарих. Аудиториягә ышану – минем өчен зур адым. Миңа ихлас теләкләрен җиткергән һәркемгә рәхмәтемне белдерәм”, - дип язган Лилия Хәйруллина Инстаграм сәхифәсендә.

Лилиянең үзеннән сабыйның кайчан туачагын сорадык. “Җәйгә, Аллаһы боерса”, - диде җырчы.
Лилияне без дә чын күңелдән бу шатлыклы вакыйга белән котлыйбыз!

Эльвира ШАКИРОВА

Язмага реакция белдерегез

2

0

0

0

0

Реакция язылган инде

Комментарийлар

Мөһим

loading