Әнвәр Нургалиев Ленин һәйкәлен тергезә

Җырчы хатынының туган ягы - Илеш районының Базытамак авылына кайткан. Ул анда мәрхүм бабасының (ул аны әти дип атый) нигезендә булган, аның энесе белән күрешкән. Аннары җырчыны авылдагы ташландык урын җәлеп иткән. Анда Ленин һәйкәле тора. Ләкин еллар үтү белән ул җимерелеп бара, һәйкәл тирәсе дә бик аянычлы хәлдә.

Әнвәрдә шушы паркны төзекләндерү теләге туган. Аны җыештырып, паркка бабасының исемен бирергә тели ул. Илеш районы хакимиятенең рөхсәте булса, эшкә тотынырга әзер. Әнвәрнең бу теләген күтәреп алганнар, аңа ярдәм итәргә теләүчеләр дә бар, ураза аенда изге ниятләре өчен рәхмәт әйтәләр.

Чыганак: Кызыл таң