Әнвәр Нургалиев маллар янында йоклаган

“Авылга кайтып килдек. Кайтасы килә, кайтсаң, йөрәк әрни...

Кичә бер "фәрештә" син колхозник, дип язган иде. Әйе, колхоздан, авылдан. Мин горурмын шуның белән. Колхоз эшләп ашарга, кеше булырга, мал, җан ияләрен яратырга өйрәтте. Заманында безнең өйнең тышы дранкалап, кызыл балчык белән сыланган, акбур белән буялган иде. Кышларын, февраль-март аенда, сыер бозаулагач, өшемәсен дип өйгә алып керә торган идек. Бик яратам малларны. Кайвакыт янында уйнап, җылысында йоклап китә торган идем. Ә кәҗә бәрәннәре турында аерым сөйләп була. Сез беләсезме, ул маллар кайбер адәм баласына караганда да акыллырактыр күпкә?

Әйе, тиресен дә түктек, көтүен дә көттек, комбаенында да, зернотокта да эшләдек. Рәхмәтлемен шуңа Ходаема! Кем авылда үсмәгән, алар белми ипи тәмен, сөт тәмен. Ә сез ничек уйлыйсыз?” - дип язган Әнвәр Нургалиев.