Популяр җырчы Лилия Хәйруллина белән Казан урамнарының берсендә көтелмәгән хәл булган

"Эшләр буенча ярты сәгатькә бер җиргә кергән идем. Чыксам, машина юк. Бу - тормышымдагы иң курыккан әйберләремнең берсе иде. Моңа кадәр ярамаган урында машинаны калдырганнан соң, "алып китмәделәрме икән?" дигән курку була иде. Ләкин бу юлы бөтенләй андый уй булмады.

"Хәзер нишләргә инде?" дип уйлап торганда, яныма машина белән бер егет килеп туктады. Минем белән йөз ел таныш булган сыман сөйләшә башлады. Штраф стоянкага алып барырга тәкъдим итте. Баксаң, ул миңа инстаграмда язган булган икән. Мине белә булып чыкты. Штраф стоянкага илтеп куйды, ЮХИДИ хезмәткәрләре белән сөйләште, авырлы булганга чиратсыз үткәртте, бик ярдәм итте. Вакытын кызганманганы, булышканы өчен рәхмәт аңа. Рәхмәт йөзеннән үзен инстаграмга да төшереп куйдым. "Хатын эзлим" дигәч, анысын да әйттем, бизнесына да реклама куйдым.