#Шоу-бизнес 27 апрель 2021, 10:21

Ришат Төхвәтуллин Зөфәр Хәйретдиновка: «Син миңа 17 ел бурычлы»

27 апрель 2021, 10:21

Казанда композитор Зөфәр Хәйретдиновның пандемия сәбәпле күчерелгән юбилей концерты булды. Ришат Төхвәтуллин катнашмаса да, юбилярны котларга килгән, сәхнәгә менеп, волейбол тубы бүләк итте.

Скопировать ссылку

Ришат Төхвәтуллин Зөфәр Хәйретдиновка: «Син миңа 17 ел бурычлы»

«Рәхмәт! Волейболга начар йөрисең, гел гастрольдә син», — диде Зөфәр Хәйретдинов.

Ришат Төхвәтуллин белән юбилярның яшь аермасы шактый булса да, ул композиторга дусларча «син» дип мөрәҗәгать итте, әмма «сез» дип тә әйтеп куйды.

«Шундый җырларны язар өчен кем булырга кирәк? Мин сиңа рәхмәт әйтергә килдем. Синең дүрт җырыңны җырлыйм. Айдар абыйның (Галимов) сүзләреннән соң уйланып калдым. Син миңа бурычлы икән әле. Сез аңа 21 ел җыр иҗат иткәнсез. Мин 17 елга сездән җырлар көтеп калам. Рәхмәт сиңа җырларың өчен, халык бик ярата. Шундый җырлар минем репертуарда булса, мин бик бәхетле булыр идем», — диде Ришат Төхвәтулин.

Чыганак: "Интертат"

Кызыклы яңалыкларны күзәтеп бару өчен Т елеграмга кушылыгыз.

#Ришат Төхвәтуллин #Зөфәр Хәйретдинов