Шоу-бизнестагыларда – «Бәби-бум»!

4 апрель көнне Гөлназ һәм Илсур Шәрипҗановлар беренче тапкыр әти-әни булды: кызчыклары дөньяга аваз салды. Нарасый 3460 гр авырлыкта, 53 см булып туган. Аңа Асылбикә дип исем кушарга җыеналар.

Гөлназ белән бер сәхнәдә эшләүче дусты Замирә Рәҗәпова-Куприянова да май аенда кабат әни булырга җыена. Хәезергә ул әле ду китереп эшләп йөри, "Тамада-шоу" тамашасын оештыра.

Зөлфәт Зиннуров та икенче тапкыр әти булырга җыена. Шушы арада Зөлфәт хатыны Гөлназ белән Тинчурин театрына килгән иде. Йөклелек Гөлназны тагын да матурайтып җибәргән.

Мәскәү җырчысы Айрат Сафин да тиздән әти булачак.