Винарис Илъегет: "Дуслык көтмәгәндә генә мәхәббәткә әверелде"
Кичә Винарис Илъегетнең юбилей кичәсендә җырчы Лилия Хәмитовага тәкъдим ясавын хәбәр иткән идек. Күпләр моңа ышанды, ә кемдер “пиар” дип кабул итте. Моңа чын-чынлап ачыклык кертергә теләп, Винарисның үзенә шалтыраттык.
Кичә Винарис Илъегетнең юбилей кичәсендә җырчы Лилия Хәмитовага тәкъдим ясавын хәбәр иткән идек. Күпләр моңа ышанды, ә кемдер “пиар” дип кабул итте. Моңа чын-чынлап ачыклык кертергә теләп, Винарисның үзенә шалтыраттык.
“Бу яңалык болай бөтен дөньяга таралыр дип көтмәгән идек. Үзебез дә шаккаттык. Без Лилия белән һәрвакыт бик якын дуслар булдык. Ләкин менә дуслык көтмәгәндә генә мәхәббәткә әверелде. Күп кеше моны “пиар” дип уйлый. Әмма бу “пиар” түгел”, - диде Винарис.
Исегезгә төшерәбез, узган елның август аенда “Шәһри Казан” газетасында Винарис белән әңгәмә чыкты. Ул: “Бер татар кызы белән яшим. Дөрес, мөнәбәсәтләрне рәсмиләштермәдек. Без 15 елдан артык таныш. Ире белән аерылышканнан соң, кушылырга булдык”, - дип сөйләгән иде. Сүз Лилия турында түгел, башка хатын-кыз турында иде.
Винарис белән Лилияне чын күңелдән котлыйбыз, бәхет, матур тормыш телибез!
Кызыклы яңалыкларны күзәтеп бару өчен безнең МАХ каналына кушылыгыз.
Вход на сайт
Язмага реакция белдерегез
Мөһим
-
#Төрлесе
Кытай турында күпләр белмәгән 5 кызыклы факт
-
#Киңәш сандыгы
Витаминнарның без белмәгән үзлекләре
-
#Кыскача яңалыклар
Гаиләдә тәрбия һәм мөхит: Дәүләт Советында буллинг проблемалары турында фикер алыштылар
-
#Мәдәният
“Илһам” фильмы: “Бөек кеше турында матур фильм булырга тиеш”
-
#Сәламәтлек
Йокысызлыкны даруларсыз ничек җиңәргә?
Комментарийлар