#Шоу-бизнес 07 апреля 2021, 08:32

Зәйнәб Фәрхетдинова Элвин Грейга: «Борчылма, су болгана да бер тына ул»

07 апреля 2021, 08:32

Җырчы Зәйнәб Фәрхетдинова инстаграм битендә Гүзәлия концертында Элвин Грей белән очрашып сөйләшкәнен язган.

Скопировать ссылку

"Элвин, мин әйтәм: "Син өйләнгәч, бераз олыгаеп киткән кебек?!"
"Хатыннан да уңдым, Аллага шөкер, әллә нинди ялалар тагып күңелне борчыйлар, Зәйнәб апа, - ди. - Шуңа эч поша ! Мин бит за красоту, за красоту и уравновешенность үзем, всегда, бер кешегә дә авырлык килгәнен теләмәем".
Әйе шул, күңелең матур синең тавышыңда, күзләреңдә күренә ул! Гүзәлияне котларга килгәч очраштык, сөйләшеп алдык.
Кешеләрнең дә язда хисләре ташыган чагы, кайнап ургылып, ярыннан ташый, табигатьтә йомычканың йомычкага менгән чагы... Бар кеше мәхәббәт, аралашу, наз көтә! Концертта бер аралашып алгач, эмоцияләр тигезләнә, без шулай яшибез бит инде. Эмоциясез артист артистмыни ул?! Азактан баш авыртачагын уйламыйбыз!
Ярый, борчылма, су болгана да бер тына ул!
Бердәмлек - тигезлекнең нигезе!" дип язган Зәйнәб Фәрхетдинова.