#Шоу-бизнес 04 апреля 2022, 11:45

Зәйнәб Фәрхетдинова: "Кая гына җиткерергә ул акчаны?"

04 апреля 2022, 11:45

Татарстанның халык артисты Зәйнәб Фәрхетдинова күңелендәге уй-кичерешләре белән уртаклашты. "Дөньядагы үзгәрешләр бик борчый", - ди ул.

Скопировать ссылку

Зәйнәб Фәрхетдинова: "Кая гына җиткерергә ул акчаны?"

"Кәеф булмаса ничек яшәргә? Телевизор, интернет, радиодан яңалыкларны тыңлыйсы килмәгән вакытта да, уңай якка үзгәрешләр бар микән, дип көтеп аласың. Үземнең әллә ни яңалыгым юк, әмма дөньядагы үзгәрешләр бик борчый, мине генә түгел, бар кешелекне.

Яңа җырларымны әзерләп утырганда, үзем сезнең янга яңа концертлар белән барып җитеп булыр микән дип уйлыйм... Җырын тыңларга, концертка, ял итәргә барырга да өлгерергә була, әгәр тынычлык, куңел ышанычын акларлык стабильлек булса.

Тартып-сузып яшәгәндә, соңгы эшеңнән дә мәхрүм калсаң ,вакытында эш хакың килеп тормаса, күтәренке рух каян булсын, халыкның концертка барып ничек итеп җыр тыңлап утырасы килсен инде, дим. Кая гына җиткерергә ул акчаны?

Дөнья хәлләре үз эшен эшли бит... Шунысы өметләндерә, барысы да уңай хәл ителер дип ышанабыз! Барыбыз өчен дә бу тыңгысызлыклар уңай һәм тизрәк хәл ителсен. Дөньялар тынычланып, илдә кайгы-хәсрәткә урын калмасын! Әйе, көтәбез, көтәбез", - дип язган Зәйнәб ханым үз сәхифәсендә.

Кызыклы яңалыкларны күзәтеп бару өчен Телеграм-каналга кушылыгыз.