Армия хезмәтен декрет елларына алыштырып буламы?

Декрет еллары әни кешенең пенсия стажына кермәгән очракта бу елларны үз пенсиямә куллана алмыйммы? Яки авыл хуҗалыгында эшләгән елларны тулыландыру өчен стажга өстәп булмыймы?

Сергей Даутов,
Казан.

Канун нигезендә авылда яшәүче һәм авыл хуҗалыгы өлкәсендә кимендә 30 ел эшләгән кешеләрнең картлык буенча пенсияләренең фиксацияләнгән өлешләре 25 процентка арта. Стажга баланы караган декрет еллары да керә. Әмма, балалар санына бәйле рәвештә барлык декрет стажы 6 елдан артмаска тиеш. Хәрби хезмәткә килгәндә, канунда аерым таләпләр каралган. “Армиядә хезмәт иткән елларны декрет ялларына алыштырып булмый”, – дип аңлатты Киров районы пенсия бүлегендә начальник урынбасары Олеся Дьяченко.

Фото: pixabay.com