Бала минеке түгел, ди!

Акча сорап шалтыратсам, «Минем балам түгел, булса да, миңа кирәкми ул», – дип кенә җавап кайтара. Суд аша аның ата булуын дәлилләп буламы? Минзилә Садыйкова, Апас.

– Әгәр дә баланың туу турындагы таныклыгында ата кеше билгеләнгән икән, судка ата булуын дәлилләп мөрәҗәгать итмәсәгез дә була. Алиментларны турыдан-туры суд аша алып була. Туу турындагы таныклыкта баланың атасы теркәлмәсә, судка алдан никахлашу таныклыгыгызны күрсәтергә кирәк булачак.

Сорауга Татарстан Министрлар кабинетының Гражданлык хәле актларын теркәү идарәсе җавап бирде.