#Сорау-җавап 26 ноября 2017, 09:01

Пенсия 20 меңнән артса, юл өчен түләнәме?

26 ноября 2017, 09:01

Пенсия 20 мең сумнан артса, юл өчен айлык түләү бирелми дип ишеттем. Моны ачыклар өчен пенсия бүлегенә барган идем, белгечләр миңа бик дорфа җавап бирделәр, сөйләшеп торырга да теләмәделәр. Имеш, бу мәсьәлә Пенсия фондына карамый. Чарасызлыктан, редакциядән ярдәм сорарга булдым. Лерон Сибгатуллин, Казан.

Скопировать ссылку

Пенсия 20 меңнән артса, юл өчен түләнәме?

Бу мәсьәлә социаль яклау тармагына карый. Татарстанның хезмәт, эш белән тәэмин итү һәм социаль яклау министрлыгы матбугат үзәгеннән алынган мәгълүмат буенча, гади пенсионерлар өчен хәзер уртача керемнәре 20 мең сумнан артмаганда, юл өчен ай саен 448 сум түләнеп бара. Ә керем 20 меңнән арткан очракта, бу сумма 180 сумны гына тәшкил итә. 2018 елдан соң исә бу өлкәдә үзгәрешләр көтелә. Гади пенсионерның уртача айлык кереме 25 мең сумнан арткан очракта, юл өчен 90 сум, керем 20-25 мең сум булганда – 180 сум, 20 меңнән азрак булганда, 466 сум түләү каралган.