16+

Пиротехниканың куркынычсызы нинди була?

Пиротехниканы өнәп бетермәсәм дә, яңа елда ансыз булмый. Балалар питарда сорый. Мин алмасам, үзләре сатып ала. Шуңа да үземнең ышанычлысын, сәламәтлек өчен куркынычсыз булганын аласым килә. Пиротехника сайлаганда, нәрсәгә игътибар итәргә? Рамил Вафин, Спас районы.

Пиротехниканың куркынычсызы нинди була?

Пиротехниканы өнәп бетермәсәм дә, яңа елда ансыз булмый. Балалар питарда сорый. Мин алмасам, үзләре сатып ала. Шуңа да үземнең ышанычлысын, сәламәтлек өчен куркынычсыз булганын аласым килә. Пиротехника сайлаганда, нәрсәгә игътибар итәргә? Рамил Вафин, Спас районы.

Яңа ел салютлары, фейерверклар сату закон тарафыннан, шулай ук «Пиротехник эшләнмәләр куркынычсызлыгы турында»гы Таможня союзы техник регламенты белән билгеләнә. Роспотребнадзорның Татарстан идарәсе билгеләгәнчә, пиротехник эшләнмәләр бары тик махсуслашкан сәүдә нокталарында гына сатылырга тиеш, чөнки бу товар тирә-юньдәгеләр өчен куркыныч тудырырга мөмкин. Барлык пиротехник эшләнмәләрнең дә сертификациясе булу мәҗбүри. IV-V класслы эшләнмәләрне лизенциясе булганда гына сатарга рөхсәт ителә, I-III класслылары лицензиясез дә сатыла. Пиротехник эшләнмәләрне сатучылар куркынычсызлык буенча аттестация узарга тиеш. Шулай ук сатучы кулланучыга товарның үзенчәлекләре, аны куллану турында мәгълүмат җиткерергә бурычлы. Һәр пиротехника товарында сертификация билгесе булырга тиеш. Эшләнмәнең кабында куллану вакыты, аны утильләштерү, җитештерүче хакында мәгълүмат языла.

Дәүләт алкоголь инспекциясенең Казан территориаль органы хезмәткәрләреннән пиротехник эшләнмәләр сайлаганда истә тотарга кирәкле биш киңәш:

кабы яньчелгән товар сайламагыз;
һәр пиротехник эшләнмәгә аны куллану инструкциясе язылган булырга тиеш;
куллану вакыты чыккан пиротехниканы шартлатмагыз;
фейерверкларны коры урында саклагыз. 30 градустан да эссерәк урында озак тотарга, дымланган пиротехниканы җылыткыч ярдәмендә киптерергә ярамый;
җилле көнне пиротехниканы кулланудан тыелып торыгыз.

Фото: aif.ru

Язмага реакция белдерегез

0

0

0

0

0

Реакция язылган инде

Комментарийлар

Мөһим

loading