Шәхси кабинетның паролен югалткан очракта нишләргә?

– Чынлап та, электрон хезмәтләр Татарстанда популярлаша бара. Былтыр гына да ана капиталына кагылышлы 235 меңнән артык гариза электрон формада тапшырылган, Пенсия фондына  мөрәҗәгатьләрнең 85 проценты пенсия, социаль түләүләргә кагылышлы. 47 мең татарстанлы, Пенсия фондына килми генә, пенсионер статусын алган. 60 меңнән артык кеше үзен борчыган мәсьәләне шәхси кабинет аша хәл иткән. Электрон сервислар күп мөмкинлекләр ача. Парольне югалткан, оныткан  очракта, Пенсия фондының рәсми сайтында аны кабат яңарту мөмкинлеге бар. Моның өчен шәхси кабинеттагы «Мин парольне белмим» дигән төймәгә басу да җитә. Аннары парольне яңарту битендә кушылган гамәлләрне башкарасың. Әгәр дә өлкән яшьтәге кеше моны мөстәкыйль булдыра алмый икән, һәрвакытта да ярдәм сорап, пенсия бүлегенә, күпфункцияле үзәккә мөрәҗәгать итә ала. Үзең белән паспорт та кирәк булачак.