Шәһри Казан

Иван Ткаченконың хәйриячелек белән шөгыльләнүен беркем белмәгән

Ярославль клубының һәлак булган хоккейчыларының берсе Иван Ткаченко берничә ел буе онкологик авырулардан җәфаланган балаларга ярдәм итеп килгән. Ул «AdVita» хәйрия фондына дүрт ел ярым дәвамында 9 996 300 сум акча күчергән. Авыру балалар фондына ул ярты миллион сум акчаны соңгы тапкыр Як-42 очкычы бортыннан смс юллап күчергән булган.


Бу хакта әле шушы көннәрдә генә мәгълүм булды. Иван үзе исән чакта хәйриячелек белән шөгыльләнүен беркемгә - дусларына да, якыннарына да әйтмәгән. Ул моны, күрәсең, чын хәйриячеләргә хас булганча, йөрәк кушуы буенча эшләгән.
«Локомотив»та Ткаченконың хәйриячелек белән шөгыльләнүеннән беркем хәбәрдар булмады. Ләкин мондый сыйфат аңа хас. Ваня һәрвакыт дөрес юлда барган егет. Өстәвенә ул бик тыйнак иде», - ди Ярославль хоккей клубының пресс-атташесе Владимир Малков.
«AdVita» хәйрия оешмасының сайты хәбәр иткәнчә, Воронеждан 16 яшьлек Диана Ибраһимова гомеренең өзелмәве белән нәкъ менә Иван Ткаченкога бурычлы. Кызга табиблар лимфадагы лейкоз дигән диагноз куйган. Кызны коткарып калу өчен, арка миен күчереп утырту буенча операция һәм озак вакытлы дәвалау курсы таләп ителә. «Мондый диагнозны ишетү гаиләбез өчен көчле тетрәнү булды. Диананың бик яшисе, бәхетле буласы килә. Аллаһыдан кызымны миннән аермавын сорыйм», - дип яза сайтка аның әнисе. Әлеге хәйрия оешмасы сайтында реаль вакыт режимында кызның сәламәтлеге турында мәгълүмат бирелә бара. Сентябрь урталарында анда кызга операциядән соң Нюрнберг шәһәрендә реабилитация узу өчен 5664 евро акча күчерелүе, Диананың әнисенең акча күчергән Иван Леонидовичка зур рәхмәт белдерүе турындагы мәгълүмат чыга. Иван Леонидовичның кем икәнен генә моңа кадәр беркем дә белми. Якын көннәрдә генә блоггерлар ярдәмендә аның хоккейчы Ткаченко булуы ачыклана.
Команда белән авиаһәлакәткә очраган Ткаченконың хатыны һәм ике кызы ятим калды. Иван белән Марина өченче балалары-уллары тууын көтәләр иде.

Реклама

Нравится
Поделиться:
Реклама
Комментарии (0)
Реклама
  • 13 апрель 2018 - 15:47
    «Шәһри Казан» ат җигәргә өйрәтә
  • Спорт гимнастикасы буенча Россия чемпионатыннан ФОТОРЕПОРТАЖ 18.04.2018
  • Икенчел чимал һәм кием җыю буенча мобиль пункты акциясе. Фоторепортаж
  • Казанда язгы өмә старт алды
  • Иң яхшы хат ташучылар бүләкләүдән ФОТОРЕПОРТАЖ 12.04.2018
  • Яшел Үзән районы Татар Танае авылын су баскан! 11.04.2018
  • Алдавыч боз балыкчыларны куркытмый
  • Авыл хуҗалыгы ярминкәләреннән ФОТОРЕПОРТАЖ
  • Илфак Шиһаповның тууына 50 ел тулуга багышланган кичәдән ФОТОРЕПОРТАЖ 5.04.2018
  • Мәшәкате күп булса да, яз – яз инде ул...
  • Яз җитте бит!
Соңгы комментарийлар
Интервью
  • 12 март 2018 - 08:37
    Илсөя Бәдретдиновага роза чәчәге урынына Роза кушаматлы тавык бүләк иткәннәр (ВИДЕО) Илсөя Бәдретдинова бу көннәрдә гастрольләр белән Татарстан һәм Башкортстан буйлап сәяхәт кыла. Аның инстаграмына карасаң, билет сатып алып килгән тамашачы, күчтәнәчсез дә килми икән.
    726
    0
    1
  • 11 март 2018 - 12:00
    И, адәм балалары... Кайчагында мин үземне чит планета кешесе сыман тоям. Җирдә яшәгән бу кавемнең минем нәселемдә дәхеле дә юктыр сыман була. Кайдадыр галәмнең гүзәл җирендә яшәүче бик акыллы һәм бик яхшы кешеләр ниндидер йомыш белән Җиргә төшкәннәрдер дә аны кисәк ташлап китәргә мәҗбүр булып сабый балаларын, ягъни мине онытып калдырганнардыр. Ә Җир кешеләренең берәрсе шул сабыйны бала тудыру йортына алып килгәндер...
    571
    0
    7
  • 11 март 2018 - 09:00
    Алдакчыны ничек танырга? Тормышта төрле хәл була, кайвакыт күзгә карап алдарга да туры килә. Статистика буенча, кеше көне буена 50 тапкыр да алдарга мөмкин икән. Мондый кеше инде чын алдакчы булып чыга. Аларны ялган детекторы ярдәмендә тиз ачыкларга була, әлбәттә. Ә башкача ничек танырга? Күзәтүләр аша.
    422
    0
    0
Ночной режим