#Спорт 21 май 2022, 14:45

Көрәш буенча Дөнья Кубогы бәйгесен Татарстан Президенты да күзәтте

21 май 2022, 14:45

Идел буе Болгар Дәүләтендә Ислам дине кабул итүнең 1100 еллыгы уңаеннан Изге Болгар җирлегендә көрәш буенча Дөнья Кубогына ярышлар узды. Бәйгенең башлангыч өлешендә 150ләп көрәшче катнашты, ә Болгарда исә медальләр өчен көрәш барды. Бәйгенең иң матур мизгелләрен Татарстан Президенты Рөстәм Миңнеханов та күзәтте.

Скопировать ссылку

Көрәш буенча Дөнья Кубогы бәйгесен Татарстан Президенты да күзәтте

150ләп көрәшче катнашты Дөнья Кубогы өчен. Россиягә күрше булган дәүләтләрдән генә түгел, Ангола, Монголия, Гвателама, Гвинея, Шри-Ланка, Бангладеш кебек экзотик төбәкләрдән дә бар иде бәйгедә катнашучылар арасында. Донецк Халык Республикасыннан да берничә көрәшчеләр килгән иде.

Ярышларның абсолют батыры булып Яшел Үзән егете Фирдүс Зәйнуллин танылды. Финалда ул Оренбург өлкәсеннән Валерий Рәфыйковны бирелдерде. Аңа, алдан көтелгәнчә, автомобиль түгел, ә мотоцикл бүләк иткәннәр. Чит илдә җитештерелгәнен. билгеле булганча, Фирдүс узган ел да биредә җиңүче булды һәм аңа автомобиль тапшырылган иде.

Ярышларны Татарстан Президенты Рөстәм Миңнеханов һәм Изге Болгарга кунакка килгән башка мәртәбәле кунаклар да тамаша кылган.

Финал очрашуын БИРЕДӘ карарга мөмкин.