Көрәштә көмеш алдык

Узган атнада хатын-кызлар арасында көрәш буенча Япония башкаласы Токиода үткән Дөнья Кубогы ярышларында Татарстан мәктәбе вәкиле Светлана Липатова Россия командасы составында көмеш медаль яулады.
Баштагы очрашуларда Россия вәкилләре Канада, Монголия һәм Украина командаларындагы көндәшләреннән өстен чыккан иде. Бары финалда гына мәйдан хуҗаларына оттырып, мәртәбәле турнирны көмеш медаль белән тәмамладылар.
Көрәшче кызларыбызны алда тагын мөһим сынау көтә әле. Алар хәзер 1-6 апрель көннәрендә Финляндиядә узачак Европа чемпионатына әзерләнә.