Шәһри Казан

Red Bull канатландыра: Казанга бушлай авиаузыш карарга килегез!

Киләсе ялларга кисәк кенә баш өстегездән самолетлар очып китсә, куркып калмагыз. Бу Red Bull Air Race авиаузышлары. Red Bull ул бит хәл кертү өчен кулланыла торган энергетик диярсез. Баксаң әлеге оешма спорт ярышлары да үткәрә икән.


Дөнья чемпионатының Казан этабының төп чаралары 22-23 июль, ял көннәренә туры килә. Самолетлар җирдән ни бары 25-30 метр ераклыктан гына очачак. Ә Казансу өсте ярыш трассасына әйләнәчәк. Бу республика халкына очкычлар белән якыннанрак танышырга менә дигән мөмкинлек.



Дөньякүләм чара Россиядә беренче тапкыр үткәрелә. Төрле илләрдән килгән 14 иң яхшы пилотны кабул итү өчен Санкт-Петербург белән Сочи да дәгъва кылган. Ләкин оештыручылар Казанда төшерелгән Хай-дайвинг фотосурәтләренә гашыйк булып, Татарстан башкаласын сайлаган.
Red Bull авиаузышлары беренче тапкыр 2003 елда оештырыла. 2005 елда ул халыкара дәрәҗәгә ия була. Биредә дөньяның иң дәрәҗәле очучылары гына катнаша. Ярышларда махсус ясалган җиңел самолетлар кулланалар. Ә иң мөһим таләп очучының профессиональлеге. Төрле каршылыкларны дөрес һәм тиз чыгу өчен тумыштан ук бу һөнәргә хирыслык булырга тиеш. 2007-2010 елларда бу ярышларда үзен рус пилоты Сергей Рахманин да сынап карый. Аннан соң Россиядән бер генә катнашучы да булмаган.

- Россиядән бер генә пилотның да катнашмавы кызганыч, әлбәттә. Безнең ил самолетлары ярышмаса да, үз пилотларыбызны әзерләргә кирәк. Бу узышларны оештыру безнең өчен зур сынау. Йөгердек тә, йөздек тә, ә менә очып караган юк әле - ди Татарстанның яшьләр эшләре һәм спорт министры Владимир Леонов.

Ярышлар безгә "Татспиртпром" ачык акционерлык җәмгыятенең Red Bull ширкәте белән партнерлык килешү нәтиҗәсе. Шуңа да Казан һәм аның халкы өчен тамаша белән хозурлану бер тиен дә тормаячак. Авиаузышлар бездә өч ел рәттән булырга мөмкин. Аларның оештырылу вакыты гына үзгәрәчәк.

Реклама



Владимир Леонов белдерүенчә, ярыш алдыннан Казан халкы очучылар белән шәхсән очрашып сөйләшә алачак.

- Менеджерлары белән килешенгәч, моның өчен аерым бер көн билгеләрбез, - диде ул.

Шунысы да мөһим, чит ил самолетлары үзебезнең «Татнефть» ягулыгын кулланачак. Ягулыкның барлык таләпләргә туры килүен чит ил белгечләре алдан ук тикшереп киткән.

Ярышлар Казансу елгасы өстендә була. Самолетлар "Казан-Ринг" аэродромыннан кузгалып, су өстендә төрле сынаулар үтәчәк. Әлеге баш әйләндергеч чараны елганың дүрт ягыннан да күзәтеп булачак. Иң яхшы урыннар - Кремль яр буе белән Сибгат Хәким урамы. Беренчесендә ярышларны карап кафе-рестораннарга кереп, велосипедта йөреп булачак. Ә Сибгат Хәким урамы бу көннәрдә машиналар өчен ябылачак.



Ленин дамбасы белән Миллениум күперендә машина хәрәкәте чикләнми.
- Бу ярышларны утырып түгел, басып карыйлар. Без махсус трибуналар ясамадык. Ул кешеләрнең сыйдырышлыгын да киметә. Тагын бер кат искәртәм, чара һәр кеше өчен бушлай булачак, - ди министр.

Авиаузышлар барышында республиканың Авыл хуҗалыгы һәм азык-төлек министрлыгы бинасы каршында Red Bull паркы эшлиячәк. Ул иртәнге 9дан кичке 8гә кадәр һәркем өчен ачык булачак.


Теги: 250
Нравится
Поделиться:
Реклама
Комментарии (0)
Реклама
  • 25 май 2018 - 11:50
    Гүзәл Уразова мәктәп елларын искә төшерде
  • Дәүләт Советы сессиясеннән ФОТОРЕПОРТАЖ 25.05.2018
  • Кремль яр буенда узган «Соңгы кыңгырау» бәйрәменнән ФОТОРЕПОРТАЖ
  • Соңгы кыңгыраулар чыңлар вакыт җитте
  • Хәйрия концертыннан ФОТОРЕПОРТАЖ
  • «Үлемсез полк» маршында 165 меңнән артык кеше катнашты
  • Казанның Меньеллык мәйданында узган Җиңү парадыннан ФОТОРЕПОРТАЖ
  • Суга сикерү буенча дөнья сериясе. Казан. 2018-FINA
  • 1 май митингыннан ФОТОРЕПОРТАЖ
  • Тукайга багышланган шигырь бәйрәменнән ФОТОРЕПОРТАЖ
  • Тукай премиясен тапшыру тантанасыннан ФОТОРЕПОРТАЖ
Соңгы комментарийлар
Интервью
  • 25 май 2018 - 17:35
    Сүзләр йөри Дөнья күктән, җирдән һәм сүздән тора. Ә, тагын кешеләр бар икән әле. Аларның берише күккә битен күрсәтә, берише – бүтән җирен. Ә сүзне барысы да сөйли. Белсә дә, белмәсә дә, күрсә дә, күрмәсә дә... Телнең кыйбласы юк.
    189
    0
    0
  • 19 май 2018 - 12:20
    Нәрсәгә тотынса – шуны булдыра Гаиләне учак белән тиңлибез, чөнки учак янына җылынырга җыелган кебек, гаиләдәге һәр кеше үз гаиләсенә сыена: шатлыгын бүлешә, кайгысын уртаклаша. Гаилә никадәр нык булса, аннан килгән җылылык та шулкадәр көчлерәк була. Гаиләнең терәге – ир-ат, әти кеше. Ә ана кеше үзенең бөтен булган күңел байлыгын, матурлыгын үз балаларына бирә.
    598
    0
    6
  • 19 май 2018 - 11:47
    Камыр эчендә гөмбә шашлыгы пешерү ЫСУЛЫ 250 гр шампиньон, 200 гр сыр, 250 гр чүпрәсез катлы камыр (кибеттә сатыла торган), 1 йомырка, тоз, борыч, үсемлек мае
    529
    0
    2
  • 19 май 2018 - 10:48
    Җилдерәчәкбез! Татарстанда барлыгы 3076 торак пункт исәпләнә, шуларның 559ында асфальт юллар әле һаман да юк. Быел 28 торак пункт арасында яңа юл салыначак. Аның гомуми озынлыгы – 69,4 км.
    364
    0
    0
  • 19 май 2018 - 10:20
    Киләчәк – роботлар кулында? Яки Казан мәгълүмати технологияләр һәм элемтә техникумы студентлары ничек имтихан тапшыра Республика WorldSkills эшче һөнәрләр чемпионатында актив катнаша башлаганнан соң, техникум, көллият укучыларына таләпләр тагын да артты. Ә хәзер студентлар чыгарылыш дәүләт имтиханнарын да WorldSkills стандартлары буенча күрсәтмә имтиханы буларак тапшыра башлаячак. Казан мәгълүмати технологияләр һәм элемтә техникумына имтихан тәртибен өйрәнү өчен Кытай, Иран, Һиндстан вәкилләре дә килгән.
    197
    0
    0
Ночной режим