Шәһри Казан

Спорт белән шөгыльләнүчеләр санын ничек арттырырга җыеналар?

Пандемия сәбәпле туктап торганнан соң, 4 августтан Татарстанда барлык спорт мәктәпләре эшли башлый.  Республиканың спорт министры Владимир Леонов әйтүенчә, алар, Роспотребнадзор күрсәтмәләрен үтәп, балаларны кабул итәчәк.

Реклама

Республикада спортка зур игътибар бирелә. Татарстанда барлыгы 11 меңнән артык спорт корылмасы бар. Шул исәптән 235 йөзү бассейны, 48 боз аренасы, 1999 спорт залы исәпләнә.
Болардан тыш республикада спорт белән шөгыльләнү өчен тагын күп кенә биналар төзелә. Тиздән республикада тагын өч бассейн ачылачак, Казанда фигуралы шуу буенча мәйданчык төзергә җыеналар. Аның проекты җәй азагына кадәр әзер булырга тиеш, дип белдерделәр.
Башкалада зур спорт паркы булдыру нияте дә бар икән.
– Бу паркка Казанның төп спорт ареналары – “Ак Барс” көрәш сарае, Су спорты төрләре сарае, Боз сарае һәм башкалар керәчәк, – диде министр. 
Август ае исә спорт чараларына аеруча бай булыр, мөгаен. Тиздән мотокросс буенча Татарстан Кубогына ярышлар, триатлон буенча Россия чемпионаты, башка спорт чаралары уздырырга җыеналар. 
Демография илкүләм программалары кысаларында гамәлгә ашырыла торган биш проектның берсе – “Спорт – тормыш нормасы”. Аның төп максаты –  халыкны мөмкин кадәр күбрәк спортка тарту. Быел Татарстанның сигез спорт мәктәбенә 24 миллион сумлык җиһаз һәм микроавтобуслар биреләчәк. 
– Хәзер республикада физик культура белән шөгыльләнүче кешеләр 50 проценттан артыграк, 2024 елга аларның санын 57 процентка җиткерергә исәп, – диде Владимир Леонов.

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: