#Сәламәтлек 29 июнь 2020, 13:39

Балык маеның файдасы бармы?

29 июнь 2020, 13:39

Балык маеның файдасын санап бетергесез: кан басымын төшерә, тән тиресен корытмый, псориазны дәваларга булыша, йөрәк авырулары, артрит, хәтта яман шешне булдырмый калырга ярдәм итә, организмдагы теләсә нинди ялкынсыну процессларын киметә…

Скопировать ссылку

Болардан кала, балык мае ябыгырга да булыша. Мускулларны үстерүе дә билгеле. СССР вакытында аны кечкенә балаларга мәҗбүри рәвештә биргәннәр. Хәзер аны желатин капсула эчендә тәкъдим итәләр, шуның белән кулланырга да уңайлы, үзенә генә хас исе дә артык тоелмый.

Составына килгәндә, аңарда А һәм Д витамины, йод, бром, фосфор, валериан кислотасы бар. Химик составы омега-3 һәм омега-6 кислоталарыннан тора. Файдасы булсын өчен, балык маен ничек кулланырга соң? Моның турында төгәл генә бер җавап та юк. Америка табиблары аны көненә 0,5-2 грамм кулланырга киңәш итә. Уртача алганда исә, оптималь күләме - көненә, ризык белән бергә, 1-2 грамм.

Фото: pixabay.com

Кызыклы яңалыкларны күзәтеп бару өчен Т елеграмга кушылыгыз.