Күзгә операция ясату өчен кайсы клиника яхшырак?

Ул клиника Татарстанның офтальмология хастаханәсеннән нәрсәсе белән аерыла икән?

Румия Сәлахиева, Казан.

Сорауга республика клиник офтальмология хастаханәсенең баш табибы Айдар Әмиров җавап бирә:
- Анда Татарстаннан үзгә берни дә эшләмиләр. Хәтта шуны ышандырып әйтә алам: бездә Чабаксардагыга караганда күбрәк тә эшлиләр әле. Мәсәлән, анда ясалмый торган кайбер югары технологияле операцияләр кирәк булганда, чабаксарлылар үзләре Казанга килә. Димәк, биредә эш сыйфатта түгел. Аның бөтен сере: Чабаксарда чират юк. Анда 1,5 млн халыкка хезмәт күрсәтелә, ә бездә дүрт млн кешегә - бер республика клиник офтальмология хастаханәсе.