#Сәламәтлек 15 октября 2017, 08:04

«Прививка куркыныч әйбер түгел»

15 октября 2017, 08:04

Чәчәк-прививкалар кешегә гомере буена төрле авыруларга каршы торырга ярдәм итә. Бүгенгедәй хәтерлим: безне - Чувашиядәге Әлмән башлангыч мәктәбе укучыларын, кыш башында ат арбаларына шыплап утыртып, Кармыш хастаханәсенә прививка ясатырга алып бардылар. Укытучыбыз Галия апа Рамазанова (хәзер Галимова) безне калын юрган белән төрде. Чокыр-чакырлы юлда бара торгач, Әнвәр исемле сабакташыбыз ат...

Скопировать ссылку

Шул чагында Галия апабызның өне алынган иде. Шөкер, Әнвәрнең аяк-кулы сынмады. Прививка сәфәреннән барыбыз да исән-имин кайттык.

Прививканың мөһимлеге әнә шулай бала чактан ук хәтергә сеңеп калган. Узган ел аны дәваханәгә барып ясаткан идем. Быел, гомумән дә, уңайлык тудырылды - табиблар метро станцияләре янында хезмәт күрсәтә. Казанда мондый автолабораторияләр метро станцияләре янында 15 октябрьгә кадәр эшләячәк икән әле. Үзем дә ясаттым. 7нче хастаханәнең 1нче дәваханәсе табибы Зөлфия Бикмиева белән шәфкать туташы Вера Бедова «эх» дигәнче ясап куйдылар. Медицина машинасы шоферы Евгений Андреев та табиб булып беткән: «Прививка куркыныч әйбер түгел», - ди.