Татарстанда коронавирустан тагын ике үлем очрагы теркәлде

Татарстанда коронавирустан тагын ике кешенең үлү очрагы теркәлгән. Бу хакта республиканың коронавируска каршы көрәш буенча оператив штабы хәбәр иткән.

Беренче очрак 1938 елда туган гражданин белән бәйле. Аны 23 июньдә Тукай районы Үзәк хастаханәсенә китерәләр. 15 июльдә вафат була.

1951 елда туган пациентны исә Чаллының ашыгыч медицина ярдәме хастаханәсенә 17 июльдә китерәләр. Аны хәтта ясалма сулыш алдыру аппаратына да тоташтырып карыйлар, әмма 21 июльдә пациент вафат була.

Икесендә дә үлемендә яңа вирус сәбәпче икәнлеге ачыклана. Шулай итеп, Татарстанда коронавирустан 33 үлем очрагы теркәлде.

Үзегезне һәм якыннарыгызны сакласагыз иде. Авыру әле янәшәдә генә...