Алсу Каюмова: «Мин чәчрәп торган хатын-кыз ролен уйнарга яратам»

Элек телевизордан чит ил кинолары караганда, аның тәр­җемәсен ягымлы, матур тавыш яңгырата иде. Бүген исә кайсы гына автобуска килеп кермә, шул ук тавышны ишетәбез. Ул - Камал театрыннан Татарстанның атказанган артисты Алсу Каюмова тавышы.

- Юк, мин Аксубай районының Яңа Ибрай авылыннан. Мишәрләргә рус теле җиңелрәк бирелә бит ул. Без гаиләдә өч кыз үстек.Телләрне әйбәт өйрәнсеннәр дип, әни безнең белән өйдә русча сөйләшергә тырыша иде. Ул безне татарча да әдәби телдә генә сөйләштерде. Үзе мәктәптә математика укытты. Мин балачактан ук артист булырга хыялланып үстем. Алып баручы буларак сәхнәгә чыксам да, русча сөйләшергә яратмыйм. Шулай да кичәләр алып барганда сөйләргә туры килә. Русча сөйләгәндә ялгышмасам ярар иде, дигән уй белән чыгам.

- Автобусларга тавыш яздыру өчен студиягә заказ булган. Шуннан соң кастинг оештырдылар. Сайлап алгач та, студиядә бертуктаусыз сигез сәгать яздырдык.

- Үзем тыңлаганда, кайбер сүзләрнең русчарак яңгыравы эчне пошыра. Кайвакыт ирем Рамил дә: «Фәлән хәрефеңне татарча әйтмәдең», - дип кайтып әйтә.

- Төп эшемә хилафлык килмәсә, нигә бармаска?

- Үзем тәрҗемә итәргә бик яратам. Әмма хәзер бик йөрмим тәрҗемәләргә, өлгереп булмый. Соңгы елларда берничә фильмда да төшәргә туры килде.

- Чәчрәп торган хатын-кыз рольләрен уйнарга яратам.

- Миңа тәти кызларны уйнау авыр. Әйтик, «Казан сөлгесе»ндә Хөршидәне уйнау авыррак бирелде. Ул минем табигатемә якын түгел.

- Ул турыда уйлаганым юк. Хәер, тәэсир итмидер. Шул образлардан чыгып, үзеңнең ниндидер якларыңны ачарга мөмкин. Артист барыбер үзенең табигатеннән китә алмый ул.

- Телевизордан спектакльләр карарга ярата идем мин. Бервакыт авылыбызга Камал театры килгәнен белгәч, клуб янына алданрак килеп, аларны күзәтә башладык. Шунда эскәмиядә утырган Илдус Әхмәтҗановка сокланып карап торганым хәтердә. Бүген аның белән бергә эшләп йөрербез, дип кем уйлаган?

- Мин өч кыз арасында малайлар сыман үстем. Әти белән бергәләп ир балалар эшен башкара идем. Кечерәк чакта, милиционер яки янгын сүндерүче булам, дип йөрдем. Әни үзе, заманында артист булырга хыяллангангамы, минем дә шул юлдан китүемә ­каршы килмәде.

- Без икебез дә эмоциональ, хисле кешеләр. Ике сәгатьтән артык сөйләшмичә йөри алмыйбыз.

- Бездә һәркемнең үз вазифасы. Килеп туган проблемаларны уртага салып бергәләп хәл итәбез.

- Ул яктан безнең проблема булмады. Әле Рамилнең әнисе, әле үземнеке булышып торды.

- Өчесен дә музыка мәктәбенә йөртәбез. Кызыбыз Нәргиз 2 нче сыйныфны тәмамлады. Ирхан белән Әмирхан биш яшь ярымлык. Нәргиз рәсем мәктәбенә дә йөрде. Инглиз телен өйрәнергә дә йөри. Бассейнга да вакыт таба.

- Балалар үзебезнең спектакльләрне карарга ярата. Алар белән курчак театрына да йөрибез.