Шәһри Казан

Рафис Фазылҗанов: «Әгәр халык театры булмаса, Камал, Тинчурин исемендәге театрларга кем йөрер?»

Дәрвишләр бистәсендәге Сәетгалиев исемендәге мәдәният сараенда эшләп килүче халык театрына - 70 ел. Аның тарихы сугыштан соңгы авыр елларда башлана.

Казан оптика-механика заводында эшләгән яшьләр җырлап-биеп күңел ачарга яраталар. Алар җор телле Габдрахман Җиһаншин янына тупланып спектакльләр куя башлыйлар. Заманында коллектив белән Әнвәр Гобәйдуллин, Мохтәр Әхмәдиев җитәкчелек итә. 1959 елда Сәетгалиев исемендәге мәдәният сарае ачылганнан соң, Камал театры анда «Кыз урлау» спектаклен куярга килә. Котләхмәт ролен Татарстанның халык артисты Һидият Солтанов башкара. Спектакльдән соң үзешчәннәр аның янына кереп, үзләрендә театр түгәрәген җитәкләргә тәкъдим итәләр. Ул куйган «Шәмсекамәр» спектакле белән халык театрлары конкурсында лауреат исеме алалар. Коллективка халык театры исеме бирелә. Һидият Солтанов 22 ел эшләп киткәч, коллективны Шамил Галиуллин, Билал Гайнуллин җитәкли. 2008 елдан бирегә Рафис Фазылҗанов килә. Ул коллективның уңышлары белән горурлана.

- 70 ел эчендә труппада 120дән артык егет һәм кыз уйнаган. «Хаҗи әфәнде өйләнә» спектакле унбиш ел буе сәхнәдән төшмәгән. Коллектив спектакльләрне Казанда гына күрсәтеп калмыйча, гастрольләргә дә йөри. Ул хәзер дә шулай. Фестивальләрдә төрле номинацияләрдә җиңүләр яулау тагын да илһамланып эшләргә этәргеч бирә. Бүгенге көндә труппада 15 артист. Ул яктан бераз кытлык кичерәбез. Сәләте булган кеше безгә килеп үзен сынап карый ала. Без тамашачыны да тәрбиялибез. Әгәр халык театры булмаса, Камал, Тинчурин исемендәге театрларга кем йөрер? - ди режиссер.

Рафис бер вакыйганы искә төшереп узды. Казанның уртасында салынган Мулланур Вахитов һәйкәлен эшләгәндә, сынчы революционерның йөзен әлеге коллективны җитәкләгән һәм Мулланур Вахитов ролендә уйнаган Билал Гайнуллинга карап ясаган.

Гүзәл Шакирова моннан өч ел элек Алабуга шәһәреннән күченеп килгәч тә әлеге халык театрын эзләп табып, анда йөри башлаган. Кайчандыр университет тәмамлап, Актаныш районында эшләгәндә Сәфәр, Татар Суксуы авылларында театр түгәрәген җитәкләгән. Биредә күңеленә ятышлы коллективны табуына сөенеп туймый Гүзәл.

Реклама

Зилә Идрисова белеме буенча педагог. Беренче мәртәбә театр репетицияләрен шаккатып карап тора. Аннары үзе дә шушында йөри башлый. Бигрәк тә аны режиссер Шамил Галиуллин җәлеп итә. Торгынлык чорларында алар коллективны саклап калалар.

- Театрда яшь чакта кызык өчен уйныйсың. Ә хәзер үзебезнең арттан яшьләрне тартасы килә, - ди Зилә ханым.

Труппадагы яшь артистларның берсе Алсу Мифтахетдинованы да Зилә ханым алып килгән. Ә иң өлкән артист - Илсур Фәйзуллин чирек гасыр буе шушы коллективта төп рольләрдә уйнаган. Аның әйтүенчә, спектакльдә уйный башлау белән, икенче дөньяга кереп китәсең. Уңай образмы, тискәреме, аның тәрбияви роле мөһим. Илсур әфәнде Зиннур Сәйфетдинов, Ильяс Гайнуллин, Рәфыйк Мингалиев кебек элекке артистларны да искә алды.

Теги: 250
Нравится
Поделиться:
Реклама
Комментарии (0)
Реклама
  • 25 май 2018 - 11:50
    Гүзәл Уразова мәктәп елларын искә төшерде
  • Дәүләт Советы сессиясеннән ФОТОРЕПОРТАЖ 25.05.2018
  • Кремль яр буенда узган «Соңгы кыңгырау» бәйрәменнән ФОТОРЕПОРТАЖ
  • Соңгы кыңгыраулар чыңлар вакыт җитте
  • Хәйрия концертыннан ФОТОРЕПОРТАЖ
  • «Үлемсез полк» маршында 165 меңнән артык кеше катнашты
  • Казанның Меньеллык мәйданында узган Җиңү парадыннан ФОТОРЕПОРТАЖ
  • Суга сикерү буенча дөнья сериясе. Казан. 2018-FINA
  • 1 май митингыннан ФОТОРЕПОРТАЖ
  • Тукайга багышланган шигырь бәйрәменнән ФОТОРЕПОРТАЖ
  • Тукай премиясен тапшыру тантанасыннан ФОТОРЕПОРТАЖ
Соңгы комментарийлар
Интервью
  • 25 май 2018 - 17:35
    Сүзләр йөри Дөнья күктән, җирдән һәм сүздән тора. Ә, тагын кешеләр бар икән әле. Аларның берише күккә битен күрсәтә, берише – бүтән җирен. Ә сүзне барысы да сөйли. Белсә дә, белмәсә дә, күрсә дә, күрмәсә дә... Телнең кыйбласы юк.
    189
    0
    0
  • 19 май 2018 - 12:20
    Нәрсәгә тотынса – шуны булдыра Гаиләне учак белән тиңлибез, чөнки учак янына җылынырга җыелган кебек, гаиләдәге һәр кеше үз гаиләсенә сыена: шатлыгын бүлешә, кайгысын уртаклаша. Гаилә никадәр нык булса, аннан килгән җылылык та шулкадәр көчлерәк була. Гаиләнең терәге – ир-ат, әти кеше. Ә ана кеше үзенең бөтен булган күңел байлыгын, матурлыгын үз балаларына бирә.
    598
    0
    6
  • 19 май 2018 - 11:47
    Камыр эчендә гөмбә шашлыгы пешерү ЫСУЛЫ 250 гр шампиньон, 200 гр сыр, 250 гр чүпрәсез катлы камыр (кибеттә сатыла торган), 1 йомырка, тоз, борыч, үсемлек мае
    529
    0
    2
  • 19 май 2018 - 10:48
    Җилдерәчәкбез! Татарстанда барлыгы 3076 торак пункт исәпләнә, шуларның 559ында асфальт юллар әле һаман да юк. Быел 28 торак пункт арасында яңа юл салыначак. Аның гомуми озынлыгы – 69,4 км.
    364
    0
    0
  • 19 май 2018 - 10:20
    Киләчәк – роботлар кулында? Яки Казан мәгълүмати технологияләр һәм элемтә техникумы студентлары ничек имтихан тапшыра Республика WorldSkills эшче һөнәрләр чемпионатында актив катнаша башлаганнан соң, техникум, көллият укучыларына таләпләр тагын да артты. Ә хәзер студентлар чыгарылыш дәүләт имтиханнарын да WorldSkills стандартлары буенча күрсәтмә имтиханы буларак тапшыра башлаячак. Казан мәгълүмати технологияләр һәм элемтә техникумына имтихан тәртибен өйрәнү өчен Кытай, Иран, Һиндстан вәкилләре дә килгән.
    197
    0
    0
Ночной режим