#Төп тема 24 декабрь 2018, 13:12

10 көнлек Яңа ел каникуллары җитә!

24 декабрь 2018, 13:12

Бу атна ахырында Татарстан халкын ун көнлек Яңа ел каникуллары көтә. ТР Хезмәт, халыкны эш белән тәэмин итү һәм социаль яклау министрлыгы матбугат хезмәте шул хакта хәбәр итә.

Скопировать ссылку

«2019 елда эш көне булмаган бәйрәм көннәре – 5 һәм 6 гыйнвар ял көннәре – шимбә һәм якшәмбегә туры килә. РФ Хезмәт кодексы нигезендә, 2019 елда ял һәм эш көне булмаган бәйрәм көннәреннән рациональ файдалану максатыннан, РФ Хөкүмәтенең «2019 елда бәйрәм көннәрен күчерү турында»гы карары нигезендә, ял көннәре: 5 гыйнвар (шимбә) – 2 майга (пәнҗешәмбе), 6 гыйнвар (якшәмбе) 3 майга (җомга) күчерелә», - диелә ведомство хәбәрендә.

Шул рәвешле, республикада яшәүчеләр 2018 елның декабрь аенда 30 һәм 31ендә ял итәчәк. 2019 елда каникуллар 1 гыйнвардан 8 гыйнварга кадәр дәвам итә. 7 гыйнварда христианнар Раштуаны бәйрәм итәчәк.

Татар-информ

Кызыклы яңалыкларны күзәтеп бару өчен Т елеграмга кушылыгыз.

#Яңа ел #каникул